Bernardo F. Asuncion Poet Quatrain

Ibong Masayang Lumilipad

Ibong masayang lumilipad
Ang tulad ng payapang bansa; 
Walang dayuhang nang-aapi
Sa lahing tunay na malaya.

Ibong masayang lumilipad
At umaawit na may galak; 
Dumadapo sa mga puno
At halamang namumulaklak.

Bansang wagas ang kalayaan
Ay kumakampay sa paglipad; 
Patungo sa pagtatagumpay, 
Sa pagsulong at sa pag-unlad.

Ngumingiti sa bawat huni
Ang ibong wala sa kulungan; 
Na mababakas ang tiwala
Sa sarili at kakayahan.

Ang kalayaan ay katulad
Ng koronang iginagawad; 
Totoong kay gandang pagmasdan, 
Ibong masayang lumilipad.

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment