Burns' Lament

When ah sairly look doon frae up oan high Frae ma cloud warmed dookit in the azure sky At aw the drunken bloated bletherums Wha meet fur ma birthday's kilted getherums Tae feast sae dearly oan neeps an' tatties Wi' yon sonsie puddin' we aye cry haggis Tae toast wi' wee haufs o'usquebaugh ma name Ah huvtae admit tae a real sense o' shame Ah widnae want tae be seen deid wi' ony o'thum. No e'en fur the whale o' a guid king's ransom. Sic beanos fur ithers might be fine 'n' dandy Just gie me time fur a wee bit o' hoochmagandy. 'Twas wi' the lassies ah dearly lo'ed tae gambol Fur they queens aw did mak ma knees tae tramble.