Ang Sasamahan Ng Diyos
Ang sasamahan ng Diyos
Ay ang Iglesia Ni Cristo;
Hindi iiwan sa unos,
Sasaklolohan sa bagyo.
Papatnubayan ng Ama
Ang Kaniyang mga lingkod;
Iingatan sa sakuna
Ang Kaniyang ibinukod.
Mapalad nga ang pinili
Na nasa Kaniyang bayan;
Palaging kinakandili,
Ligtas sa kapahamakan.
Malayo sa mga salot,
Panganib at mga sakit;
Dalangin ay sinasagot
Dahil sa Diyos ay malapit.
Sa sala'y pinatatawad
Ang bawat isang tinubos;
Itinuring na alagad
Ang sasamahan ng Diyos.
Copyright © Bernard F. Asuncion | Year Posted 2020
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.
Please
Login
to post a comment