Written by
Duncan Campbell Scott |
Here is the height of land:
The watershed on either hand
Goes down to Hudson Bay
Or Lake Superior;
The stars are up, and far away
The wind sounds in the wood, wearier
Than the long Ojibwa cadence
In which Potàn the Wise
Declares the ills of life
And Chees-que-ne-ne makes a mournful sound
Of acquiescence. The fires burn low
With just sufficient glow
To light the flakes of ash that play
At being moths, and flutter away
To fall in the dark and die as ashes:
Here there is peace in the lofty air,
And Something comes by flashes
Deeper than peace: --
The spruces have retired a little space
And left a field of sky in violet shadow
With stars like marigolds in a water-meadow.
Now the Indian guides are dead asleep;
There is no sound unless the soul can hear
The gathering of the waters in their sources.
We have come up through the spreading lakes
From level to level, --
Pitching our tents sometimes over a revel
Of roses that nodded all night,
Dreaming within our dreams,
To wake at dawn and find that they were captured
With no dew on their leaves;
Sometimes mid sheaves
Of bracken and dwarf-cornel, and again
On a wide blueberry plain
Brushed with the shimmer of a bluebird's wing;
A rocky islet followed
With one lone poplar and a single nest
Of white-throat-sparrows that took no rest
But sang in dreams or woke to sing, --
To the last portage and the height of land --:
Upon one hand
The lonely north enlaced with lakes and streams,
And the enormous targe of Hudson Bay,
Glimmering all night
In the cold arctic light;
On the other hand
The crowded southern land
With all the welter of the lives of men.
But here is peace, and again
That Something comes by flashes
Deeper than peace, -- a spell
Golden and inappellable
That gives the inarticulate part
Of our strange being one moment of release
That seems more native than the touch of time,
And we must answer in chime;
Though yet no man may tell
The secret of that spell
Golden and inappellable.
Now are there sounds walking in the wood,
And all the spruces shiver and tremble,
And the stars move a little in their courses.
The ancient disturber of solitude
Breathes a pervasive sigh,
And the soul seems to hear
The gathering of the waters at their sources;
Then quiet ensues and pure starlight and dark;
The region-spirit murmurs in meditation,
The heart replies in exaltation
And echoes faintly like an inland shell
Ghost tremors of the spell;
Thought reawakens and is linked again
With all the welter of the lives of men.
Here on the uplands where the air is clear
We think of life as of a stormy scene, --
Of tempest, of revolt and desperate shock;
And here, where we can think, on the brights uplands
Where the air is clear, we deeply brood on life
Until the tempest parts, and it appears
As simple as to the shepherd seems his flock:
A Something to be guided by ideals --
That in themselves are simple and serene --
Of noble deed to foster noble thought,
And noble thought to image noble deed,
Till deed and thought shall interpenetrate,
Making life lovelier, till we come to doubt
Whether the perfect beauty that escapes
Is beauty of deed or thought or some high thing
Mingled of both, a greater boon than either:
Thus we have seen in the retreating tempest
The victor-sunlight merge with the ruined rain,
And from the rain and sunlight spring the rainbow.
The ancient disturber of solitude
Stirs his ancestral potion in the gloom,
And the dark wood
Is stifled with the pungent fume
Of charred earth burnt to the bone
That takes the place of air.
Then sudden I remember when and where, --
The last weird lakelet foul with weedy growths
And slimy viscid things the spirit loathes,
Skin of vile water over viler mud
Where the paddle stirred unutterable stenches,
And the canoes seemed heavy with fear,
Not to be urged toward the fatal shore
Where a bush fire, smouldering, with sudden roar
Leaped on a cedar and smothered it with light
And terror. It had left the portage-height
A tangle of slanted spruces burned to the roots,
Covered still with patches of bright fire
Smoking with incense of the fragment resin
That even then began to thin and lessen
Into the gloom and glimmer of ruin.
'Tis overpast. How strange the stars have grown;
The presage of extinction glows on their crests
And they are beautied with impermanence;
They shall be after the race of men
And mourn for them who snared their fiery pinions,
Entangled in the meshes of bright words.
A lemming stirs the fern and in the mosses
Eft-minded things feel the air change, and dawn
Tolls out from the dark belfries of the spruces.
How often in the autumn of the world
Shall the crystal shrine of dawning be rebuilt
With deeper meaning! Shall the poet then,
Wrapped in his mantle on the height of land,
Brood on the welter of the lives of men
And dream of his ideal hope and promise
In the blush sunrise? Shall he base his flight
Upon a more compelling law than Love
As Life's atonement; shall the vision
Of noble deed and noble thought immingled
Seem as uncouth to him as the pictograph
Scratched on the cave side by the cave-dweller
To us of the Christ-time? Shall he stand
With deeper joy, with more complex emotion,
In closer commune with divinity,
With the deep fathomed, with the firmament charted,
With life as simple as a sheep-boy's song,
What lies beyond a romaunt that was read
Once on a morn of storm and laid aside
Memorious with strange immortal memories?
Or shall he see the sunrise as I see it
In shoals of misty fire the deluge-light
Dashes upon and whelms with purer radiance,
And feel the lulled earth, older in pulse and motion,
Turn the rich lands and inundant oceans
To the flushed color, and hear as now I hear
The thrill of life beat up the planet's margin
And break in the clear susurrus of deep joy
That echoes and reëchoes in my being?
O Life is intuition the measure of knowledge
And do I stand with heart entranced and burning
At the zenith of our wisdom when I feel
The long light flow, the long wind pause, the deep
Influx of spirit, of which no man may tell
The Secret, golden and inappellable?
|
Written by
Robert Burns |
’TWAS 1 in that place o’ Scotland’s isle,
That bears the name o’ auld King Coil,
Upon a bonie day in June,
When wearin’ thro’ the afternoon,
Twa dogs, that were na thrang at hame,
Forgather’d ance upon a time.
The first I’ll name, they ca’d him Caesar,
Was keepit for His Honor’s pleasure:
His hair, his size, his mouth, his lugs,
Shew’d he was nane o’ Scotland’s dogs;
But whalpit some place far abroad,
Whare sailors gang to fish for cod.
His locked, letter’d, braw brass collar
Shew’d him the gentleman an’ scholar;
But though he was o’ high degree,
The fient a pride, nae pride had he;
But wad hae spent an hour caressin,
Ev’n wi’ al tinkler-gipsy’s messin:
At kirk or market, mill or smiddie,
Nae tawted tyke, tho’ e’er sae duddie,
But he wad stan’t, as glad to see him,
An’ stroan’t on stanes an’ hillocks wi’ him.
The tither was a ploughman’s collie—
A rhyming, ranting, raving billie,
Wha for his friend an’ comrade had him,
And in freak had Luath ca’d him,
After some dog in Highland Sang, 2
Was made lang syne,—Lord knows how lang.
He was a gash an’ faithfu’ tyke,
As ever lap a sheugh or dyke.
His honest, sonsie, baws’nt face
Aye gat him friends in ilka place;
His breast was white, his touzie back
Weel clad wi’ coat o’ glossy black;
His gawsie tail, wi’ upward curl,
Hung owre his hurdie’s wi’ a swirl.
Nae doubt but they were fain o’ ither,
And unco pack an’ thick thegither;
Wi’ social nose whiles snuff’d an’ snowkit;
Whiles mice an’ moudieworts they howkit;
Whiles scour’d awa’ in lang excursion,
An’ worry’d ither in diversion;
Until wi’ daffin’ weary grown
Upon a knowe they set them down.
An’ there began a lang digression.
About the “lords o’ the creation.”
CÆSAR I’ve aften wonder’d, honest Luath,
What sort o’ life poor dogs like you have;
An’ when the gentry’s life I saw,
What way poor bodies liv’d ava.
Our laird gets in his racked rents,
His coals, his kane, an’ a’ his stents:
He rises when he likes himsel’;
His flunkies answer at the bell;
He ca’s his coach; he ca’s his horse;
He draws a bonie silken purse,
As lang’s my tail, where, thro’ the steeks,
The yellow letter’d Geordie keeks.
Frae morn to e’en, it’s nought but toiling
At baking, roasting, frying, boiling;
An’ tho’ the gentry first are stechin,
Yet ev’n the ha’ folk fill their pechan
Wi’ sauce, ragouts, an’ sic like trashtrie,
That’s little short o’ downright wastrie.
Our whipper-in, wee, blasted wonner,
Poor, worthless elf, it eats a dinner,
Better than ony tenant-man
His Honour has in a’ the lan’:
An’ what poor cot-folk pit their painch in,
I own it’s past my comprehension.
LUATH Trowth, C&æsar, whiles they’re fash’t eneugh:
A cottar howkin in a sheugh,
Wi’ dirty stanes biggin a dyke,
Baring a quarry, an’ sic like;
Himsel’, a wife, he thus sustains,
A smytrie o’ wee duddie weans,
An’ nought but his han’-daurk, to keep
Them right an’ tight in thack an’ rape.
An’ when they meet wi’ sair disasters,
Like loss o’ health or want o’ masters,
Ye maist wad think, a wee touch langer,
An’ they maun starve o’ cauld an’ hunger:
But how it comes, I never kent yet,
They’re maistly wonderfu’ contented;
An’ buirdly chiels, an’ clever hizzies,
Are bred in sic a way as this is.
CÆSAR But then to see how ye’re negleckit,
How huff’d, an’ cuff’d, an’ disrespeckit!
Lord man, our gentry care as little
For delvers, ditchers, an’ sic cattle;
They gang as saucy by poor folk,
As I wad by a stinkin brock.
I’ve notic’d, on our laird’s court-day,—
An’ mony a time my heart’s been wae,—
Poor tenant bodies, scant o’cash,
How they maun thole a factor’s snash;
He’ll stamp an’ threaten, curse an’ swear
He’ll apprehend them, poind their gear;
While they maun stan’, wi’ aspect humble,
An’ hear it a’, an’ fear an’ tremble!
I see how folk live that hae riches;
But surely poor-folk maun be wretches!
LUATH They’re no sae wretched’s ane wad think.
Tho’ constantly on poortith’s brink,
They’re sae accustom’d wi’ the sight,
The view o’t gives them little fright.
Then chance and fortune are sae guided,
They’re aye in less or mair provided:
An’ tho’ fatigued wi’ close employment,
A blink o’ rest’s a sweet enjoyment.
The dearest comfort o’ their lives,
Their grushie weans an’ faithfu’ wives;
The prattling things are just their pride,
That sweetens a’ their fire-side.
An’ whiles twalpennie worth o’ nappy
Can mak the bodies unco happy:
They lay aside their private cares,
To mind the Kirk and State affairs;
They’ll talk o’ patronage an’ priests,
Wi’ kindling fury i’ their breasts,
Or tell what new taxation’s comin,
An’ ferlie at the folk in Lon’on.
As bleak-fac’d Hallowmass returns,
They get the jovial, rantin kirns,
When rural life, of ev’ry station,
Unite in common recreation;
Love blinks, Wit slaps, an’ social Mirth
Forgets there’s Care upo’ the earth.
That merry day the year begins,
They bar the door on frosty win’s;
The nappy reeks wi’ mantling ream,
An’ sheds a heart-inspiring steam;
The luntin pipe, an’ sneeshin mill,
Are handed round wi’ right guid will;
The cantie auld folks crackin crouse,
The young anes rantin thro’ the house—
My heart has been sae fain to see them,
That I for joy hae barkit wi’ them.
Still it’s owre true that ye hae said,
Sic game is now owre aften play’d;
There’s mony a creditable stock
O’ decent, honest, fawsont folk,
Are riven out baith root an’ branch,
Some rascal’s pridefu’ greed to quench,
Wha thinks to knit himsel the faster
In favour wi’ some gentle master,
Wha, aiblins, thrang a parliamentin,
For Britain’s guid his saul indentin—
CÆSAR Haith, lad, ye little ken about it:
For Britain’s guid! guid faith! I doubt it.
Say rather, gaun as Premiers lead him:
An’ saying ay or no’s they bid him:
At operas an’ plays parading,
Mortgaging, gambling, masquerading:
Or maybe, in a frolic daft,
To Hague or Calais takes a waft,
To mak a tour an’ tak a whirl,
To learn bon ton, an’ see the worl’.
There, at Vienna, or Versailles,
He rives his father’s auld entails;
Or by Madrid he takes the rout,
To thrum guitars an’ fecht wi’ nowt;
Or down Italian vista startles,
Wh-re-hunting amang groves o’ myrtles:
Then bowses drumlie German-water,
To mak himsel look fair an’ fatter,
An’ clear the consequential sorrows,
Love-gifts of Carnival signoras.
For Britain’s guid! for her destruction!
Wi’ dissipation, feud, an’ faction.
LUATH Hech, man! dear sirs! is that the gate
They waste sae mony a braw estate!
Are we sae foughten an’ harass’d
For gear to gang that gate at last?
O would they stay aback frae courts,
An’ please themsels wi’ country sports,
It wad for ev’ry ane be better,
The laird, the tenant, an’ the cotter!
For thae frank, rantin, ramblin billies,
Feint haet o’ them’s ill-hearted fellows;
Except for breakin o’ their timmer,
Or speakin lightly o’ their limmer,
Or shootin of a hare or moor-cock,
The ne’er-a-bit they’re ill to poor folk,
But will ye tell me, Master C&æsar,
Sure great folk’s life’s a life o’ pleasure?
Nae cauld nor hunger e’er can steer them,
The very thought o’t need na fear them.
CÆSAR L—d, man, were ye but whiles whare I am,
The gentles, ye wad ne’er envy them!
It’s true, they need na starve or sweat,
Thro’ winter’s cauld, or simmer’s heat:
They’ve nae sair wark to craze their banes,
An’ fill auld age wi’ grips an’ granes:
But human bodies are sic fools,
For a’ their colleges an’ schools,
That when nae real ills perplex them,
They mak enow themsel’s to vex them;
An’ aye the less they hae to sturt them,
In like proportion, less will hurt them.
A country fellow at the pleugh,
His acre’s till’d, he’s right eneugh;
A country girl at her wheel,
Her dizzen’s dune, she’s unco weel;
But gentlemen, an’ ladies warst,
Wi’ ev’n-down want o’ wark are curst.
They loiter, lounging, lank an’ lazy;
Tho’ deil-haet ails them, yet uneasy;
Their days insipid, dull, an’ tasteless;
Their nights unquiet, lang, an’ restless.
An’ev’n their sports, their balls an’ races,
Their galloping through public places,
There’s sic parade, sic pomp, an’ art,
The joy can scarcely reach the heart.
The men cast out in party-matches,
Then sowther a’ in deep debauches.
Ae night they’re mad wi’ drink an’ whoring,
Niest day their life is past enduring.
The ladies arm-in-arm in clusters,
As great an’ gracious a’ as sisters;
But hear their absent thoughts o’ ither,
They’re a’ run-deils an’ jads thegither.
Whiles, owre the wee bit cup an’ platie,
They sip the scandal-potion pretty;
Or lee-lang nights, wi’ crabbit leuks
Pore owre the devil’s pictur’d beuks;
Stake on a chance a farmer’s stackyard,
An’ cheat like ony unhanged blackguard.
There’s some exceptions, man an’ woman;
But this is gentry’s life in common.
By this, the sun was out of sight,
An’ darker gloamin brought the night;
The bum-clock humm’d wi’ lazy drone;
The kye stood rowtin i’ the loan;
When up they gat an’ shook their lugs,
Rejoic’d they werena men but dogs;
An’ each took aff his several way,
Resolv’d to meet some ither day.
Note 1. Luath was Burns’ own dog. [back]
Note 2. Cuchullin’s dog in Ossian’s “Fingal.”—R. B. [back]
|
Written by
Robert Burns |
UPON 1 a simmer Sunday morn
When Nature’s face is fair,
I walked forth to view the corn,
An’ snuff the caller air.
The rising sun owre Galston muirs
Wi’ glorious light was glintin;
The hares were hirplin down the furrs,
The lav’rocks they were chantin
Fu’ sweet that day.
As lightsomely I glowr’d abroad,
To see a scene sae gay,
Three hizzies, early at the road,
Cam skelpin up the way.
Twa had manteeles o” dolefu’ black,
But ane wi’ lyart lining;
The third, that gaed a wee a-back,
Was in the fashion shining
Fu’ gay that day.
The twa appear’d like sisters twin,
In feature, form, an’ claes;
Their visage wither’d, lang an’ thin,
An’ sour as only slaes:
The third cam up, hap-stap-an’-lowp,
As light as ony lambie,
An’ wi’a curchie low did stoop,
As soon as e’er she saw me,
Fu’ kind that day.
Wi’ bonnet aff, quoth I, “Sweet lass,
I think ye seem to ken me;
I’m sure I’ve seen that bonie face
But yet I canna name ye.”
Quo’ she, an’ laughin as she spak,
An’ taks me by the han’s,
“Ye, for my sake, hae gien the feck
Of a’ the ten comman’s
A screed some day.”
“My name is Fun—your cronie dear,
The nearest friend ye hae;
An’ this is Superstitution here,
An’ that’s Hypocrisy.
I’m gaun to Mauchline Holy Fair,
To spend an hour in daffin:
Gin ye’ll go there, yon runkl’d pair,
We will get famous laughin
At them this day.”
Quoth I, “Wi’ a’ my heart, I’ll do’t;
I’ll get my Sunday’s sark on,
An’ meet you on the holy spot;
Faith, we’se hae fine remarkin!”
Then I gaed hame at crowdie-time,
An’ soon I made me ready;
For roads were clad, frae side to side,
Wi’ mony a weary body
In droves that day.
Here farmers gash, in ridin graith,
Gaed hoddin by their cotters;
There swankies young, in braw braid-claith,
Are springing owre the gutters.
The lasses, skelpin barefit, thrang,
In silks an’ scarlets glitter;
Wi’ sweet-milk cheese, in mony a whang,
An’ farls, bak’d wi’ butter,
Fu’ crump that day.
When by the plate we set our nose,
Weel heaped up wi’ ha’pence,
A greedy glowr black-bonnet throws,
An’ we maun draw our tippence.
Then in we go to see the show:
On ev’ry side they’re gath’rin;
Some carrying dails, some chairs an’ stools,
An’ some are busy bleth’rin
Right loud that day.
Here stands a shed to fend the show’rs,
An’ screen our countra gentry;
There “Racer Jess, 2 an’ twa-three whores,
Are blinkin at the entry.
Here sits a raw o’ tittlin jads,
Wi’ heaving breast an’ bare neck;
An’ there a batch o’ wabster lads,
Blackguarding frae Kilmarnock,
For fun this day.
Here, some are thinkin on their sins,
An’ some upo’ their claes;
Ane curses feet that fyl’d his shins,
Anither sighs an’ prays:
On this hand sits a chosen swatch,
Wi’ screwed-up, grace-proud faces;
On that a set o’ chaps, at watch,
Thrang winkin on the lasses
To chairs that day.
O happy is that man, an’ blest!
Nae wonder that it pride him!
Whase ain dear lass, that he likes best,
Comes clinkin down beside him!
Wi’ arms repos’d on the chair back,
He sweetly does compose him;
Which, by degrees, slips round her neck,
An’s loof upon her bosom,
Unkend that day.
Now a’ the congregation o’er
Is silent expectation;
For Moodie 3 speels the holy door,
Wi’ tidings o’ damnation:
Should Hornie, as in ancient days,
’Mang sons o’ God present him,
The vera sight o’ Moodie’s face,
To ’s ain het hame had sent him
Wi’ fright that day.
Hear how he clears the point o’ faith
Wi’ rattlin and wi’ thumpin!
Now meekly calm, now wild in wrath,
He’s stampin, an’ he’s jumpin!
His lengthen’d chin, his turned-up snout,
His eldritch squeel an’ gestures,
O how they fire the heart devout,
Like cantharidian plaisters
On sic a day!
But hark! the tent has chang’d its voice,
There’s peace an’ rest nae langer;
For a’ the real judges rise,
They canna sit for anger,
Smith 4 opens out his cauld harangues,
On practice and on morals;
An’ aff the godly pour in thrangs,
To gie the jars an’ barrels
A lift that day.
What signifies his barren shine,
Of moral powers an’ reason?
His English style, an’ gesture fine
Are a’ clean out o’ season.
Like Socrates or Antonine,
Or some auld pagan heathen,
The moral man he does define,
But ne’er a word o’ faith in
That’s right that day.
In guid time comes an antidote
Against sic poison’d nostrum;
For Peebles, 5 frae the water-fit,
Ascends the holy rostrum:
See, up he’s got, the word o’ God,
An’ meek an’ mim has view’d it,
While Common-sense has taen the road,
An’ aff, an’ up the Cowgate 6
Fast, fast that day.
Wee Miller 7 neist the guard relieves,
An’ Orthodoxy raibles,
Tho’ in his heart he weel believes,
An’ thinks it auld wives’ fables:
But faith! the birkie wants a manse,
So, cannilie he hums them;
Altho’ his carnal wit an’ sense
Like hafflins-wise o’ercomes him
At times that day.
Now, butt an’ ben, the change-house fills,
Wi’ yill-caup commentators;
Here ’s cryin out for bakes and gills,
An’ there the pint-stowp clatters;
While thick an’ thrang, an’ loud an’ lang,
Wi’ logic an’ wi’ scripture,
They raise a din, that in the end
Is like to breed a rupture
O’ wrath that day.
Leeze me on drink! it gies us mair
Than either school or college;
It kindles wit, it waukens lear,
It pangs us fou o’ knowledge:
Be’t whisky-gill or penny wheep,
Or ony stronger potion,
It never fails, or drinkin deep,
To kittle up our notion,
By night or day.
The lads an’ lasses, blythely bent
To mind baith saul an’ body,
Sit round the table, weel content,
An’ steer about the toddy:
On this ane’s dress, an’ that ane’s leuk,
They’re makin observations;
While some are cozie i’ the neuk,
An’ forming assignations
To meet some day.
But now the L—’s ain trumpet touts,
Till a’ the hills are rairin,
And echoes back return the shouts;
Black Russell is na sparin:
His piercin words, like Highlan’ swords,
Divide the joints an’ marrow;
His talk o’ Hell, whare devils dwell,
Our vera “sauls does harrow”
Wi’ fright that day!
A vast, unbottom’d, boundless pit,
Fill’d fou o’ lowin brunstane,
Whase raging flame, an’ scorching heat,
Wad melt the hardest whun-stane!
The half-asleep start up wi’ fear,
An’ think they hear it roarin;
When presently it does appear,
’Twas but some neibor snorin
Asleep that day.
’Twad be owre lang a tale to tell,
How mony stories past;
An’ how they crouded to the yill,
When they were a’ dismist;
How drink gaed round, in cogs an’ caups,
Amang the furms an’ benches;
An’ cheese an’ bread, frae women’s laps,
Was dealt about in lunches
An’ dawds that day.
In comes a gawsie, gash guidwife,
An’ sits down by the fire,
Syne draws her kebbuck an’ her knife;
The lasses they are shyer:
The auld guidmen, about the grace
Frae side to side they bother;
Till some ane by his bonnet lays,
An’ gies them’t like a tether,
Fu’ lang that day.
Waesucks! for him that gets nae lass,
Or lasses that hae naething!
Sma’ need has he to say a grace,
Or melvie his braw claithing!
O wives, be mindfu’ ance yoursel’
How bonie lads ye wanted;
An’ dinna for a kebbuck-heel
Let lasses be affronted
On sic a day!
Now Clinkumbell, wi’ rattlin tow,
Begins to jow an’ croon;
Some swagger hame the best they dow,
Some wait the afternoon.
At slaps the billies halt a blink,
Till lasses strip their shoon:
Wi’ faith an’ hope, an’ love an’ drink,
They’re a’ in famous tune
For crack that day.
How mony hearts this day converts
O’ sinners and o’ lasses!
Their hearts o’ stane, gin night, are gane
As saft as ony flesh is:
There’s some are fou o’ love divine;
There’s some are fou o’ brandy;
An’ mony jobs that day begin,
May end in houghmagandie
Some ither day.
Note 1. “Holy Fair” is a common phrase in the west of Scotland for a sacramental occasion.—R. B. [back]
Note 2. Racer Jess (d. 1813) was a half-witted daughter of Poosie Nansie. She was a great pedestrian. [back]
Note 3. Rev. Alexander Moodie of Riccarton. [back]
Note 4. Rev. George Smith of Galston. [back]
Note 5. Rev. Wm. Peebles of Newton-upon-Ayr. [back]
Note 6. A street so called which faces the tent in Mauchline.—R. B. [back]
Note 7. Rev. Alex. Miller, afterward of Kilmaurs. [back]
|