by
Robert Burns
I HOLD it, sir, my bounden duty
To warn you how that Master Tootie,
Alias, Laird M’Gaun,
Was here to hire yon lad away
’Bout whom ye spak the tither day,
An’ wad hae don’t aff han’;
But lest he learn the callan tricks—
An’ faith I muckle doubt him—
Like scrapin out auld Crummie’s nicks,
An’ tellin lies about them;
As lieve then, I’d have then
Your clerkship he should sair,
If sae be ye may be
Not fitted otherwhere.
Altho’ I say’t, he’s gleg enough,
An’ ’bout a house that’s rude an’ rough,
The boy might learn to swear;
But then, wi’ you, he’ll be sae taught,
An’ get sic fair example straught,
I hae na ony fear.
Ye’ll catechise him, every quirk,
An’ shore him weel wi’ hell;
An’ gar him follow to the kirk—
Aye when ye gang yoursel.
If ye then maun be then
Frae hame this comin’ Friday,
Then please, sir, to lea’e, sir,
The orders wi’ your lady.
My word of honour I hae gi’en,
In Paisley John’s, that night at e’en,
To meet the warld’s worm;
To try to get the twa to gree,
An’ name the airles an’ the fee,
In legal mode an’ form:
I ken he weel a snick can draw,
When simple bodies let him:
An’ if a Devil be at a’,
In faith he’s sure to get him.
To phrase you and praise you,.
Ye ken your Laureat scorns:
The pray’r still you share still
Of grateful MINSTREL BURNS.
|
by
Robert Burns
I GAT your letter, winsome Willie;
Wi’ gratefu’ heart I thank you brawlie;
Tho’ I maun say’t, I wad be silly,
And unco vain,
Should I believe, my coaxin billie
Your flatterin strain.
But I’se believe ye kindly meant it:
I sud be laith to think ye hinted
Ironic satire, sidelins sklented
On my poor Musie;
Tho’ in sic phraisin terms ye’ve penn’d it,
I scarce excuse ye.
My senses wad be in a creel,
Should I but dare a hope to speel
Wi’ Allan, or wi’ Gilbertfield,
The braes o’ fame;
Or Fergusson, the writer-chiel,
A deathless name.
(O Fergusson! thy glorious parts
Ill suited law’s dry, musty arts!
My curse upon your whunstane hearts,
Ye E’nbrugh gentry!
The tithe o’ what ye waste at cartes
Wad stow’d his pantry!)
Yet when a tale comes i’ my head,
Or lassies gie my heart a screed—
As whiles they’re like to be my dead,
(O sad disease!)
I kittle up my rustic reed;
It gies me ease.
Auld Coila now may fidge fu’ fain,
She’s gotten poets o’ her ain;
Chiels wha their chanters winna hain,
But tune their lays,
Till echoes a’ resound again
Her weel-sung praise.
Nae poet thought her worth his while,
To set her name in measur’d style;
She lay like some unkenn’d-of-isle
Beside New Holland,
Or whare wild-meeting oceans boil
Besouth Magellan.
Ramsay an’ famous Fergusson
Gied Forth an’ Tay a lift aboon;
Yarrow an’ Tweed, to monie a tune,
Owre Scotland rings;
While Irwin, Lugar, Ayr, an’ Doon
Naebody sings.
Th’ Illissus, Tiber, Thames, an’ Seine,
Glide sweet in monie a tunefu’ line:
But Willie, set your fit to mine,
An’ cock your crest;
We’ll gar our streams an’ burnies shine
Up wi’ the best!
We’ll sing auld Coila’s plains an’ fells,
Her moors red-brown wi’ heather bells,
Her banks an’ braes, her dens and dells,
Whare glorious Wallace
Aft bure the gree, as story tells,
Frae Suthron billies.
At Wallace’ name, what Scottish blood
But boils up in a spring-tide flood!
Oft have our fearless fathers strode
By Wallace’ side,
Still pressing onward, red-wat-shod,
Or glorious died!
O, sweet are Coila’s haughs an’ woods,
When lintwhites chant amang the buds,
And jinkin hares, in amorous whids,
Their loves enjoy;
While thro’ the braes the cushat croods
With wailfu’ cry!
Ev’n winter bleak has charms to me,
When winds rave thro’ the naked tree;
Or frosts on hills of Ochiltree
Are hoary gray;
Or blinding drifts wild-furious flee,
Dark’ning the day!
O Nature! a’ thy shews an’ forms
To feeling, pensive hearts hae charms!
Whether the summer kindly warms,
Wi’ life an light;
Or winter howls, in gusty storms,
The lang, dark night!
The muse, nae poet ever fand her,
Till by himsel he learn’d to wander,
Adown some trottin burn’s meander,
An’ no think lang:
O sweet to stray, an’ pensive ponder
A heart-felt sang!
The war’ly race may drudge an’ drive,
Hog-shouther, jundie, stretch, an’ strive;
Let me fair Nature’s face descrive,
And I, wi’ pleasure,
Shall let the busy, grumbling hive
Bum owre their treasure.
Fareweel, “my rhyme-composing” brither!
We’ve been owre lang unkenn’d to ither:
Now let us lay our heads thegither,
In love fraternal:
May envy wallop in a tether,
Black fiend, infernal!
While Highlandmen hate tools an’ taxes;
While moorlan’s herds like guid, fat braxies;
While terra firma, on her axis,
Diurnal turns;
Count on a friend, in faith an’ practice,
In Robert Burns.
POSTCRIPTMY memory’s no worth a preen;
I had amaist forgotten clean,
Ye bade me write you what they mean
By this “new-light,”
’Bout which our herds sae aft hae been
Maist like to fight.
In days when mankind were but callans
At grammar, logic, an’ sic talents,
They took nae pains their speech to balance,
Or rules to gie;
But spak their thoughts in plain, braid lallans,
Like you or me.
In thae auld times, they thought the moon,
Just like a sark, or pair o’ shoon,
Wore by degrees, till her last roon
Gaed past their viewin;
An’ shortly after she was done
They gat a new ane.
This passed for certain, undisputed;
It ne’er cam i’ their heads to doubt it,
Till chiels gat up an’ wad confute it,
An’ ca’d it wrang;
An’ muckle din there was about it,
Baith loud an’ lang.
Some herds, weel learn’d upo’ the beuk,
Wad threap auld folk the thing misteuk;
For ’twas the auld moon turn’d a neuk
An’ out of’ sight,
An’ backlins-comin to the leuk
She grew mair bright.
This was deny’d, it was affirm’d;
The herds and hissels were alarm’d
The rev’rend gray-beards rav’d an’ storm’d,
That beardless laddies
Should think they better wer inform’d,
Than their auld daddies.
Frae less to mair, it gaed to sticks;
Frae words an’ aiths to clours an’ nicks;
An monie a fallow gat his licks,
Wi’ hearty crunt;
An’ some, to learn them for their tricks,
Were hang’d an’ brunt.
This game was play’d in mony lands,
An’ auld-light caddies bure sic hands,
That faith, the youngsters took the sands
Wi’ nimble shanks;
Till lairds forbad, by strict commands,
Sic bluidy pranks.
But new-light herds gat sic a cowe,
Folk thought them ruin’d stick-an-stowe;
Till now, amaist on ev’ry knowe
Ye’ll find ane plac’d;
An’ some their new-light fair avow,
Just quite barefac’d.
Nae doubt the auld-light flocks are bleatin;
Their zealous herds are vex’d an’ sweatin;
Mysel’, I’ve even seen them greetin
Wi’ girnin spite,
To hear the moon sae sadly lied on
By word an’ write.
But shortly they will cowe the louns!
Some auld-light herds in neebor touns
Are mind’t, in things they ca’ balloons,
To tak a flight;
An’ stay ae month amang the moons
An’ see them right.
Guid observation they will gie them;
An’ when the auld moon’s gaun to lea’e them,
The hindmaist shaird, they’ll fetch it wi’ them
Just i’ their pouch;
An’ when the new-light billies see them,
I think they’ll crouch!
Sae, ye observe that a’ this clatter
Is naething but a “moonshine matter”;
But tho’ dull prose-folk Latin splatter
In logic tulyie,
I hope we bardies ken some better
Than mind sic brulyie.
|
by
Robert Burns
O ROUGH, rude, ready-witted Rankine,
The wale o’ cocks for fun an’ drinkin!
There’s mony godly folks are thinkin,
Your dreams and tricks
Will send you, Korah-like, a-sinkin
Straught to auld Nick’s.
Ye hae saw mony cracks an’ cants,
And in your wicked, drucken rants,
Ye mak a devil o’ the saunts,
An’ fill them fou;
And then their failings, flaws, an’ wants,
Are a’ seen thro’.
Hypocrisy, in mercy spare it!
That holy robe, O dinna tear it!
Spare’t for their sakes, wha aften wear it—
The lads in black;
But your curst wit, when it comes near it,
Rives’t aff their back.
Think, wicked Sinner, wha ye’re skaithing:
It’s just the Blue-gown badge an’ claithing
O’ saunts; tak that, ye lea’e them naething
To ken them by
Frae ony unregenerate heathen,
Like you or I.
I’ve sent you here some rhyming ware,
A’ that I bargain’d for, an’ mair;
Sae, when ye hae an hour to spare,
I will expect,
Yon sang ye’ll sen’t, wi’ cannie care,
And no neglect.
Tho’ faith, sma’ heart hae I to sing!
My muse dow scarcely spread her wing;
I’ve play’d mysel a bonie spring,
An’ danc’d my fill!
I’d better gaen an’ sair’t the king,
At Bunker’s Hill.
’Twas ae night lately, in my fun,
I gaed a rovin’ wi’ the gun,
An’ brought a paitrick to the grun’—
A bonie hen;
And, as the twilight was begun,
Thought nane wad ken.
The poor, wee thing was little hurt;
I straikit it a wee for sport,
Ne’er thinkin they wad fash me for’t;
But, Deil-ma-care!
Somebody tells the poacher-court
The hale affair.
Some auld, us’d hands had taen a note,
That sic a hen had got a shot;
I was suspected for the plot;
I scorn’d to lie;
So gat the whissle o’ my groat,
An’ pay’t the fee.
But by my gun, o’ guns the wale,
An’ by my pouther an’ my hail,
An’ by my hen, an’ by her tail,
I vow an’ swear!
The game shall pay, o’er muir an’ dale,
For this, niest year.
As soon’s the clockin-time is by,
An’ the wee pouts begun to cry,
Lord, I’se hae sporting by an’ by
For my gowd guinea,
Tho’ I should herd the buckskin kye
For’t in Virginia.
Trowth, they had muckle for to blame!
’Twas neither broken wing nor limb,
But twa-three draps about the wame,
Scarce thro’ the feathers;
An’ baith a yellow George to claim,
An’ thole their blethers!
It pits me aye as mad’s a hare;
So I can rhyme nor write nae mair;
But pennyworths again is fair,
When time’s expedient:
Meanwhile I am, respected Sir,
Your most obedient.
|
by
Carl Sandburg
(March, 1919)A LIAR goes in fine clothes.
A liar goes in rags.
A liar is a liar, clothes or no clothes.
A liar is a liar and lives on the lies he tells and dies in a life of lies.
And the stonecutters earn a living—with lies—on the tombs of liars.
Aliar looks ’em in the eye
And lies to a woman,
Lies to a man, a pal, a child, a fool.
And he is an old liar; we know him many years back.
A liar lies to nations.
A liar lies to the people.
A liar takes the blood of the people
And drinks this blood with a laugh and a lie,
A laugh in his neck,
A lie in his mouth.
And this liar is an old one; we know him many years.
He is straight as a dog’s hind leg.
He is straight as a corkscrew.
He is white as a black cat’s foot at midnight.
The tongue of a man is tied on this,
On the liar who lies to nations,
The liar who lies to the people.
The tongue of a man is tied on this
And ends: To hell with ’em all.
To hell with ’em all.
It’s a song hard as a riveter’s hammer,
Hard as the sleep of a crummy hobo,
Hard as the sleep of a lousy doughboy,
Twisted as a shell-shock idiot’s gibber.
The liars met where the doors were locked.
They said to each other: Now for war.
The liars fixed it and told ’em: Go.
Across their tables they fixed it up,
Behind their doors away from the mob.
And the guns did a job that nicked off millions.
The guns blew seven million off the map,
The guns sent seven million west.
Seven million shoving up the daisies.
Across their tables they fixed it up,
The liars who lie to nations.
And now
Out of the butcher’s job
And the boneyard junk the maggots have cleaned,
Where the jaws of skulls tell the jokes of war ghosts,
Out of this they are calling now: Let’s go back where we were.
Let us run the world again, us, us.
Where the doors are locked the liars say: Wait and we’ll cash in again.
So I hear The People talk.
I hear them tell each other:
Let the strong men be ready.
Let the strong men watch.
Let your wrists be cool and your head clear.
Let the liars get their finish,
The liars and their waiting game, waiting a day again
To open the doors and tell us: War! get out to your war again.
So I hear The People tell each other:
Look at to-day and to-morrow.
Fix this clock that nicks off millions
When The Liars say it’s time.
Take things in your own hands.
To hell with ’em all,
The liars who lie to nations,
The liars who lie to The People.
|