Written by
Robert Burns |
A’ YE wha live by sowps o’ drink,
A’ ye wha live by crambo-clink,
A’ ye wha live and never think,
Come, mourn wi’ me!
Our billie ’s gien us a’ a jink,
An’ owre the sea!
Lament him a’ ye rantin core,
Wha dearly like a random splore;
Nae mair he’ll join the merry roar;
In social key;
For now he’s taen anither shore.
An’ owre the sea!
The bonie lasses weel may wiss him,
And in their dear petitions place him:
The widows, wives, an’ a’ may bless him
Wi’ tearfu’ e’e;
For weel I wat they’ll sairly miss him
That’s owre the sea!
O Fortune, they hae room to grumble!
Hadst thou taen aff some drowsy bummle,
Wha can do nought but fyke an’ fumble,
’Twad been nae plea;
But he was gleg as ony wumble,
That’s owre the sea!
Auld, cantie Kyle may weepers wear,
An’ stain them wi’ the saut, saut tear;
’Twill mak her poor auld heart, I fear,
In flinders flee:
He was her Laureat mony a year,
That’s owre the sea!
He saw Misfortune’s cauld nor-west
Lang mustering up a bitter blast;
A jillet brak his heart at last,
Ill may she be!
So, took a berth afore the mast,
An’ owre the sea.
To tremble under Fortune’s cummock,
On a scarce a bellyfu’ o’ drummock,
Wi’ his proud, independent stomach,
Could ill agree;
So, row’t his hurdies in a hammock,
An’ owre the sea.
He ne’er was gien to great misguidin,
Yet coin his pouches wad na bide in;
Wi’ him it ne’er was under hiding;
He dealt it free:
The Muse was a’ that he took pride in,
That’s owre the sea.
Jamaica bodies, use him weel,
An’ hap him in cozie biel:
Ye’ll find him aye a dainty chiel,
An’ fou o’ glee:
He wad na wrang’d the vera deil,
That’s owre the sea.
Farewell, my rhyme-composing billie!
Your native soil was right ill-willie;
But may ye flourish like a lily,
Now bonilie!
I’ll toast you in my hindmost gillie,
Tho’ owre the sea!
|
Written by
Rudyard Kipling |
Smokin' my pipe on the mountings, sniffin' the mornin' cool,
I walks in my old brown gaiters along o' my old brown mule,
With seventy gunners be'ind me, an' never a beggar forgets
It's only the pick of the Army that handles the dear little pets -- 'Tss! 'Tss!
For you all love the screw-guns -- the screw-guns they all love you!
So when we call round with a few guns, o' course you will know what to do -- hoo! hoo!
Jest send in your Chief an' surrender -- it's worse if you fights or you runs:
You can go where you please, you can skid up the trees, but you don't get away from the guns!
They sends us along where the roads are, but mostly we goes where they ain't:
We'd climb up the side of a sign-board an' trust to the stick o' the paint:
We've chivied the Naga an' Looshai, we've give the Afreedeeman fits,
For we fancies ourselves at two thousand, we guns that are built in two bits -- 'Tss! 'Tss!
For you all love the screw-guns . . .
If a man doesn't work, why, we drills 'im an' teaches 'im 'ow to behave;
If a beggar can't march, why, we kills 'im an' rattles 'im into 'is grave.
You've got to stand up to our business an' spring without snatchin' or fuss.
D'you say that you sweat with the field-guns? By God, you must lather with us -- 'Tss! 'Tss!
For you all love the screw-guns . . .
The eagles is screamin' around us, the river's a-moanin' below,
We're clear o' the pine an' the oak-scrub, we're out on the rocks an' the snow,
An' the wind is as thin as a whip-lash what carries away to the plains
The rattle an' stamp o' the lead-mules -- the jinglety-jink o' the chains -- 'Tss! 'Tss!
For you all love the screw-guns . . .
There's a wheel on the Horns o' the Mornin', an' a wheel on the edge o' the Pit,
An' a drop into nothin' beneath you as straight as a beggar can spit:
With the sweat runnin' out o' your shirt-sleeves, an' the sun off the snow in your face,
An' 'arf o' the men on the drag-ropes to hold the old gun in 'er place -- 'Tss! 'Tss!
For you all love the screw-guns . . .
Smokin' my pipe on the mountings, sniffin' the mornin' cool,
I climbs in my old brown gaiters along o' my old brown mule.
The monkey can say what our road was -- the wild-goat 'e knows where we passed.
Stand easy, you long-eared old darlin's! Out drag-ropes! With shrapnel! Hold fast -- 'Tss! 'Tss!
For you all love the screw-guns -- the screw-guns they all love you!
So when we take tea with a few guns, o' course you will know what to do -- hoo! hoo!
Jest send in your Chief an' surrender -- it's worse if you fights or you runs:
You may hide in the caves, they'll be only your graves, but you can't get away from the guns!
|
Written by
Robert Burns |
HAIL, thairm-inspirin’, rattlin’ Willie!
Tho’ fortune’s road be rough an’ hilly
To every fiddling, rhyming billie,
We never heed,
But take it like the unback’d filly,
Proud o’ her speed.
When, idly goavin’, whiles we saunter,
Yirr! fancy barks, awa we canter,
Up hill, down brae, till some mischanter,
Some black bog-hole,
Arrests us; then the scathe an’ banter
We’re forced to thole.
Hale be your heart! hale be your fiddle!
Lang may your elbuck jink and diddle,
To cheer you through the weary widdle
O’ this wild warl’.
Until you on a crummock driddle,
A grey hair’d carl.
Come wealth, come poortith, late or soon,
Heaven send your heart-strings aye in tune,
And screw your temper-pins aboon
A fifth or mair
The melancholious, lazy croon
O’ cankrie care.
May still your life from day to day,
Nae “lente largo” in the play,
But “allegretto forte” gay,
Harmonious flow,
A sweeping, kindling, bauld strathspey—
Encore! Bravo!
A blessing on the cheery gang
Wha dearly like a jig or sang,
An’ never think o’ right an’ wrang
By square an’ rule,
But, as the clegs o’ feeling stang,
Are wise or fool.
My hand-waled curse keep hard in chase
The harpy, hoodock, purse-proud race,
Wha count on poortith as disgrace;
Their tuneless hearts,
May fireside discords jar a base
To a’ their parts.
But come, your hand, my careless brither,
I’ th’ ither warl’, if there’s anither,
An’ that there is, I’ve little swither
About the matter;
We, cheek for chow, shall jog thegither,
I’se ne’er bid better.
We’ve faults and failings—granted clearly,
We’re frail backsliding mortals merely,
Eve’s bonie squad, priests wyte them sheerly
For our grand fa’;
But still, but still, I like them dearly—
God bless them a’!
Ochone for poor Castalian drinkers,
When they fa’ foul o’ earthly jinkers!
The witching, curs’d, delicious blinkers
Hae put me hyte,
And gart me weet my waukrife winkers,
Wi’ girnin’spite.
By by yon moon!—and that’s high swearin—
An’ every star within my hearin!
An’ by her een wha was a dear ane!
I’ll ne’er forget;
I hope to gie the jads a clearin
In fair play yet.
My loss I mourn, but not repent it;
I’ll seek my pursie whare I tint it;
Ance to the Indies I were wonted,
Some cantraip hour
By some sweet elf I’ll yet be dinted;
Then vive l’amour!
Faites mes baissemains respectueuses,
To sentimental sister Susie,
And honest Lucky; no to roose you,
Ye may be proud,
That sic a couple Fate allows ye,
To grace your blood.
Nae mair at present can I measure,
An’ trowth my rhymin ware’s nae treasure;
But when in Ayr, some half-hour’s leisure,
Be’t light, be’t dark,
Sir Bard will do himself the pleasure
To call at Park.ROBERT BURNS.Mossgiel, 30th October, 1786.
|
Written by
Robert Burns |
GUDE pity me, because I’m little!
For though I am an elf o’ mettle,
An’ can, like ony wabster’s shuttle,
Jink there or here,
Yet, scarce as lang’s a gude kail-whittle,
I’m unco *****.
An’ now Thou kens our waefu’ case;
For Geordie’s jurr we’re in disgrace,
Because we stang’d her through the place,
An’ hurt her spleuchan;
For whilk we daurna show our face
Within the clachan.
An’ now we’re dern’d in dens and hollows,
And hunted, as was William Wallace,
Wi’ constables-thae blackguard fallows,
An’ sodgers baith;
But Gude preserve us frae the gallows,
That shamefu’ death!
Auld grim black-bearded Geordie’s sel’—
O shake him owre the mouth o’ hell!
There let him hing, an’ roar, an’ yell
Wi’ hideous din,
And if he offers to rebel,
Then heave him in.
When Death comes in wi’ glimmerin blink,
An’ tips auld drucken Nanse the wink,
May Sautan gie her doup a clink
Within his yett,
An’ fill her up wi’ brimstone drink,
Red-reekin het.
Though Jock an’ hav’rel Jean are merry—
Some devil seize them in a hurry,
An’ waft them in th’ infernal wherry
Straught through the lake,
An’ gie their hides a noble curry
Wi’ oil of aik!
As for the jurr-puir worthless body!
She’s got mischief enough already;
Wi’ stanged hips, and buttocks bluidy
She’s suffer’d sair;
But, may she wintle in a woody,
If she wh-e mair!
|
Written by
Robert Burns |
AULD NEIBOUR,I’m three times doubly o’er your debtor,
For your auld-farrant, frien’ly letter;
Tho’ I maun say’t I doubt ye flatter,
Ye speak sae fair;
For my puir, silly, rhymin clatter
Some less maun sair.
Hale be your heart, hale be your fiddle,
Lang may your elbuck jink diddle,
To cheer you thro’ the weary widdle
O’ war’ly cares;
Till barins’ barins kindly cuddle
Your auld grey hairs.
But Davie, lad, I’m red ye’re glaikit;
I’m tauld the muse ye hae negleckit;
An, gif it’s sae, ye sud by lickit
Until ye fyke;
Sic haun’s as you sud ne’er be faikit,
Be hain’t wha like.
For me, I’m on Parnassus’ brink,
Rivin the words to gar them clink;
Whiles dazed wi’ love, whiles dazed wi’ drink,
Wi’ jads or masons;
An’ whiles, but aye owre late, I think
Braw sober lessons.
Of a’ the thoughtless sons o’ man,
Commen’ to me the bardie clan;
Except it be some idle plan
O’ rhymin clink,
The devil haet,—that I sud ban—
They ever think.
Nae thought, nae view, nae scheme o’ livin,
Nae cares to gie us joy or grievin,
But just the pouchie put the neive in,
An’ while ought’s there,
Then, hiltie, skiltie, we gae scrievin’,
An’ fash nae mair.
Leeze me on rhyme! it’s aye a treasure,
My chief, amaist my only pleasure;
At hame, a-fiel’, at wark, or leisure,
The Muse, poor hizzie!
Tho’ rough an’ raploch be her measure,
She’s seldom lazy.
Haud to the Muse, my daintie Davie:
The warl’ may play you mony a shavie;
But for the Muse, she’ll never leave ye,
Tho’ e’er sae puir,
Na, even tho’ limpin wi’ the spavie
Frae door tae door.
|