by
Anne Sexton
"Angels of the love affair, do you know that other,
the dark one, that other me?"
1. ANGEL OF FIRE AND GENITALS
Angel of fire and genitals, do you know slime,
that green mama who first forced me to sing,
who put me first in the latrine, that pantomime
of brown where I was beggar and she was king?
I said, "The devil is down that festering hole."
Then he bit me in the buttocks and took over my soul.
Fire woman, you of the ancient flame, you
of the Bunsen burner, you of the candle,
you of the blast furnace, you of the barbecue,
you of the fierce solar energy, Mademoiselle,
take some ice, take come snow, take a month of rain
and you would gutter in the dark, cracking up your brain.
Mother of fire, let me stand at your devouring gate
as the sun dies in your arms and you loosen it's terrible weight.
2. ANGEL OF CLEAN SHEETS
Angel of clean sheets, do you know bedbugs?
Once in the madhouse they came like specks of cinnamon
as I lay in a choral cave of drugs,
as old as a dog, as quiet as a skeleton.
Little bits of dried blood. One hundred marks
upon the sheet. One hundred kisses in the dark.
White sheets smelling of soap and Clorox
have nothing to do with this night of soil,
nothing to do with barred windows and multiple locks
and all the webbing in the bed, the ultimate recoil.
I have slept in silk and in red and in black.
I have slept on sand and, on fall night, a haystack.
I have known a crib. I have known the tuck-in of a child
but inside my hair waits the night I was defiled.
3. ANGEL OF FLIGHT AND SLEIGH BELLS
Angel of flight and sleigh bells, do you know paralysis,
that ether house where your arms and legs are cement?
You are as still as a yardstick. You have a doll's kiss.
The brain whirls in a fit. The brain is not evident.
I have gone to that same place without a germ or a stroke.
A little solo act--that lady with the brain that broke.
In this fashion I have become a tree.
I have become a vase you can pick up or drop at will,
inanimate at last. What unusual luck! My body
passively resisting. Part of the leftovers. Part of the kill.
Angels of flight, you soarer, you flapper, you floater,
you gull that grows out of my back in the drreams I prefer,
stay near. But give me the totem. Give me the shut eye
where I stand in stone shoes as the world's bicycle goes by.
4. ANGEL OF HOPE AND CALENDARS
Angel of hope and calendars, do you know despair?
That hole I crawl into with a box of Kleenex,
that hole where the fire woman is tied to her chair,
that hole where leather men are wringing their necks,
where the sea has turned into a pond of urine.
There is no place to wash and no marine beings to stir in.
In this hole your mother is crying out each day.
Your father is eating cake and digging her grave.
In this hole your baby is strangling. Your mouth is clay.
Your eyes are made of glass. They break. You are not brave.
You are alone like a dog in a kennel. Your hands
break out in boils. Your arms are cut and bound by bands
of wire. Your voice is out there. Your voice is strange.
There are no prayers here. Here there is no change.
5. ANGEL OF BLIZZARDS AND BLACKOUTS
Angle of blizzards and blackouts, do you know raspberries,
those rubies that sat in the gree of my grandfather's garden?
You of the snow tires, you of the sugary wings, you freeze
me out. Leet me crawl through the patch. Let me be ten.
Let me pick those sweet kisses, thief that I was,
as the sea on my left slapped its applause.
Only my grandfather was allowed there. Or the maid
who came with a scullery pan to pick for breakfast.
She of the rols that floated in the air, she of the inlaid
woodwork all greasy with lemon, she of the feather and dust,
not I. Nonetheless I came sneaking across the salt lawn
in bare feet and jumping-jack pajamas in the spongy dawn.
Oh Angel of the blizzard and blackout, Madam white face,
take me back to that red mouth, that July 21st place.
6. ANGEL OF BEACH HOUSES AND PICNICS
Angel of beach houses and picnics, do you know solitaire?
Fifty-two reds and blacks and only myslef to blame.
My blood buzzes like a hornet's nest. I sit in a kitchen chair
at a table set for one. The silverware is the same
and the glass and the sugar bowl. I hear my lungs fill and expel
as in an operation. But I have no one left to tell.
Once I was a couple. I was my own king and queen
with cheese and bread and rosé on the rocks of Rockport.
Once I sunbathed in the buff, all brown and lean,
watching the toy sloops go by, holding court
for busloads of tourists. Once I called breakfast the sexiest
meal of the day. Once I invited arrest
at the peace march in Washington. Once I was young and bold
and left hundreds of unmatched people out in the cold.
|
by
Robert Burns
MY curse upon your venom’d stang,
That shoots my tortur’d gums alang,
An’ thro’ my lug gies mony a twang,
Wi’ gnawing vengeance,
Tearing my nerves wi’ bitter pang,
Like racking engines!
When fevers burn, or argues freezes,
Rheumatics gnaw, or colics squeezes,
Our neibor’s sympathy can ease us,
Wi’ pitying moan;
But thee—thou hell o’ a’ diseases—
They mock our groan.
Adown my beard the slavers trickle
I throw the wee stools o’er the mickle,
While round the fire the giglets keckle,
To see me loup,
While, raving mad, I wish a heckle
Were in their doup!
In a’ the numerous human dools,
Ill hairsts, daft bargains, cutty stools,
Or worthy frien’s rak’d i’ the mools,—
Sad sight to see!
The tricks o’ knaves, or fash o’fools,
Thou bear’st the gree!
Where’er that place be priests ca’ hell,
Where a’ the tones o’ misery yell,
An’ ranked plagues their numbers tell,
In dreadfu’ raw,
Thou, TOOTHACHE, surely bear’st the bell,
Amang them a’!
O thou grim, mischief-making chiel,
That gars the notes o’ discord squeel,
Till daft mankind aft dance a reel
In gore, a shoe-thick,
Gie a’ the faes o’ SCOTLAND’S weal
A townmond’s toothache!
|
by
Robert Burns
I HOLD it, sir, my bounden duty
To warn you how that Master Tootie,
Alias, Laird M’Gaun,
Was here to hire yon lad away
’Bout whom ye spak the tither day,
An’ wad hae don’t aff han’;
But lest he learn the callan tricks—
An’ faith I muckle doubt him—
Like scrapin out auld Crummie’s nicks,
An’ tellin lies about them;
As lieve then, I’d have then
Your clerkship he should sair,
If sae be ye may be
Not fitted otherwhere.
Altho’ I say’t, he’s gleg enough,
An’ ’bout a house that’s rude an’ rough,
The boy might learn to swear;
But then, wi’ you, he’ll be sae taught,
An’ get sic fair example straught,
I hae na ony fear.
Ye’ll catechise him, every quirk,
An’ shore him weel wi’ hell;
An’ gar him follow to the kirk—
Aye when ye gang yoursel.
If ye then maun be then
Frae hame this comin’ Friday,
Then please, sir, to lea’e, sir,
The orders wi’ your lady.
My word of honour I hae gi’en,
In Paisley John’s, that night at e’en,
To meet the warld’s worm;
To try to get the twa to gree,
An’ name the airles an’ the fee,
In legal mode an’ form:
I ken he weel a snick can draw,
When simple bodies let him:
An’ if a Devil be at a’,
In faith he’s sure to get him.
To phrase you and praise you,.
Ye ken your Laureat scorns:
The pray’r still you share still
Of grateful MINSTREL BURNS.
|
by
Robert Burns
IN Tarbolton, ye ken, there are proper young men,
And proper young lasses and a’, man;
But ken ye the Ronalds that live in the Bennals,
They carry the gree frae them a’, man.
Their father’s laird, and weel he can spare’t,
Braid money to tocher them a’, man;
To proper young men, he’ll clink in the hand
Gowd guineas a hunder or twa, man.
There’s ane they ca’ Jean, I’ll warrant ye’ve seen
As bonie a lass or as braw, man;
But for sense and guid taste she’ll vie wi’ the best,
And a conduct that beautifies a’, man.
The charms o’ the min’, the langer they shine,
The mair admiration they draw, man;
While peaches and cherries, and roses and lilies,
They fade and they wither awa, man,
If ye be for Miss Jean, tak this frae a frien’,
A hint o’ a rival or twa, man;
The Laird o’ Blackbyre wad gang through the fire,
If that wad entice her awa, man.
The Laird o’ Braehead has been on his speed,
For mair than a towmond or twa, man;
The Laird o’ the Ford will straught on a board,
If he canna get her at a’, man.
Then Anna comes in, the pride o’ her kin,
The boast of our bachelors a’, man:
Sae sonsy and sweet, sae fully complete,
She steals our affections awa, man.
If I should detail the pick and the wale
O’ lasses that live here awa, man,
The fau’t wad be mine if they didna shine
The sweetest and best o’ them a’, man.
I lo’e her mysel, but darena weel tell,
My poverty keeps me in awe, man;
For making o’ rhymes, and working at times,
Does little or naething at a’, man.
Yet I wadna choose to let her refuse,
Nor hae’t in her power to say na, man:
For though I be poor, unnoticed, obscure,
My stomach’s as proud as them a’, man.
Though I canna ride in weel-booted pride,
And flee o’er the hills like a craw, man,
I can haud up my head wi’ the best o’ the breed,
Though fluttering ever so braw, man.
My coat and my vest, they are Scotch o’ the best,
O’ pairs o’ guid breeks I hae twa, man;
And stockings and pumps to put on my stumps,
And ne’er a wrang steek in them a’, man.
My sarks they are few, but five o’ them new,
Twal’ hundred, as white as the snaw, man,
A ten-shillings hat, a Holland cravat;
There are no mony poets sae braw, man.
I never had frien’s weel stockit in means,
To leave me a hundred or twa, man;
Nae weel-tocher’d aunts, to wait on their drants,
And wish them in hell for it a’, man.
I never was cannie for hoarding o’ money,
Or claughtin’t together at a’, man;
I’ve little to spend, and naething to lend,
But deevil a shilling I awe, man.
|
by
Robert Burns
I GAT your letter, winsome Willie;
Wi’ gratefu’ heart I thank you brawlie;
Tho’ I maun say’t, I wad be silly,
And unco vain,
Should I believe, my coaxin billie
Your flatterin strain.
But I’se believe ye kindly meant it:
I sud be laith to think ye hinted
Ironic satire, sidelins sklented
On my poor Musie;
Tho’ in sic phraisin terms ye’ve penn’d it,
I scarce excuse ye.
My senses wad be in a creel,
Should I but dare a hope to speel
Wi’ Allan, or wi’ Gilbertfield,
The braes o’ fame;
Or Fergusson, the writer-chiel,
A deathless name.
(O Fergusson! thy glorious parts
Ill suited law’s dry, musty arts!
My curse upon your whunstane hearts,
Ye E’nbrugh gentry!
The tithe o’ what ye waste at cartes
Wad stow’d his pantry!)
Yet when a tale comes i’ my head,
Or lassies gie my heart a screed—
As whiles they’re like to be my dead,
(O sad disease!)
I kittle up my rustic reed;
It gies me ease.
Auld Coila now may fidge fu’ fain,
She’s gotten poets o’ her ain;
Chiels wha their chanters winna hain,
But tune their lays,
Till echoes a’ resound again
Her weel-sung praise.
Nae poet thought her worth his while,
To set her name in measur’d style;
She lay like some unkenn’d-of-isle
Beside New Holland,
Or whare wild-meeting oceans boil
Besouth Magellan.
Ramsay an’ famous Fergusson
Gied Forth an’ Tay a lift aboon;
Yarrow an’ Tweed, to monie a tune,
Owre Scotland rings;
While Irwin, Lugar, Ayr, an’ Doon
Naebody sings.
Th’ Illissus, Tiber, Thames, an’ Seine,
Glide sweet in monie a tunefu’ line:
But Willie, set your fit to mine,
An’ cock your crest;
We’ll gar our streams an’ burnies shine
Up wi’ the best!
We’ll sing auld Coila’s plains an’ fells,
Her moors red-brown wi’ heather bells,
Her banks an’ braes, her dens and dells,
Whare glorious Wallace
Aft bure the gree, as story tells,
Frae Suthron billies.
At Wallace’ name, what Scottish blood
But boils up in a spring-tide flood!
Oft have our fearless fathers strode
By Wallace’ side,
Still pressing onward, red-wat-shod,
Or glorious died!
O, sweet are Coila’s haughs an’ woods,
When lintwhites chant amang the buds,
And jinkin hares, in amorous whids,
Their loves enjoy;
While thro’ the braes the cushat croods
With wailfu’ cry!
Ev’n winter bleak has charms to me,
When winds rave thro’ the naked tree;
Or frosts on hills of Ochiltree
Are hoary gray;
Or blinding drifts wild-furious flee,
Dark’ning the day!
O Nature! a’ thy shews an’ forms
To feeling, pensive hearts hae charms!
Whether the summer kindly warms,
Wi’ life an light;
Or winter howls, in gusty storms,
The lang, dark night!
The muse, nae poet ever fand her,
Till by himsel he learn’d to wander,
Adown some trottin burn’s meander,
An’ no think lang:
O sweet to stray, an’ pensive ponder
A heart-felt sang!
The war’ly race may drudge an’ drive,
Hog-shouther, jundie, stretch, an’ strive;
Let me fair Nature’s face descrive,
And I, wi’ pleasure,
Shall let the busy, grumbling hive
Bum owre their treasure.
Fareweel, “my rhyme-composing” brither!
We’ve been owre lang unkenn’d to ither:
Now let us lay our heads thegither,
In love fraternal:
May envy wallop in a tether,
Black fiend, infernal!
While Highlandmen hate tools an’ taxes;
While moorlan’s herds like guid, fat braxies;
While terra firma, on her axis,
Diurnal turns;
Count on a friend, in faith an’ practice,
In Robert Burns.
POSTCRIPTMY memory’s no worth a preen;
I had amaist forgotten clean,
Ye bade me write you what they mean
By this “new-light,”
’Bout which our herds sae aft hae been
Maist like to fight.
In days when mankind were but callans
At grammar, logic, an’ sic talents,
They took nae pains their speech to balance,
Or rules to gie;
But spak their thoughts in plain, braid lallans,
Like you or me.
In thae auld times, they thought the moon,
Just like a sark, or pair o’ shoon,
Wore by degrees, till her last roon
Gaed past their viewin;
An’ shortly after she was done
They gat a new ane.
This passed for certain, undisputed;
It ne’er cam i’ their heads to doubt it,
Till chiels gat up an’ wad confute it,
An’ ca’d it wrang;
An’ muckle din there was about it,
Baith loud an’ lang.
Some herds, weel learn’d upo’ the beuk,
Wad threap auld folk the thing misteuk;
For ’twas the auld moon turn’d a neuk
An’ out of’ sight,
An’ backlins-comin to the leuk
She grew mair bright.
This was deny’d, it was affirm’d;
The herds and hissels were alarm’d
The rev’rend gray-beards rav’d an’ storm’d,
That beardless laddies
Should think they better wer inform’d,
Than their auld daddies.
Frae less to mair, it gaed to sticks;
Frae words an’ aiths to clours an’ nicks;
An monie a fallow gat his licks,
Wi’ hearty crunt;
An’ some, to learn them for their tricks,
Were hang’d an’ brunt.
This game was play’d in mony lands,
An’ auld-light caddies bure sic hands,
That faith, the youngsters took the sands
Wi’ nimble shanks;
Till lairds forbad, by strict commands,
Sic bluidy pranks.
But new-light herds gat sic a cowe,
Folk thought them ruin’d stick-an-stowe;
Till now, amaist on ev’ry knowe
Ye’ll find ane plac’d;
An’ some their new-light fair avow,
Just quite barefac’d.
Nae doubt the auld-light flocks are bleatin;
Their zealous herds are vex’d an’ sweatin;
Mysel’, I’ve even seen them greetin
Wi’ girnin spite,
To hear the moon sae sadly lied on
By word an’ write.
But shortly they will cowe the louns!
Some auld-light herds in neebor touns
Are mind’t, in things they ca’ balloons,
To tak a flight;
An’ stay ae month amang the moons
An’ see them right.
Guid observation they will gie them;
An’ when the auld moon’s gaun to lea’e them,
The hindmaist shaird, they’ll fetch it wi’ them
Just i’ their pouch;
An’ when the new-light billies see them,
I think they’ll crouch!
Sae, ye observe that a’ this clatter
Is naething but a “moonshine matter”;
But tho’ dull prose-folk Latin splatter
In logic tulyie,
I hope we bardies ken some better
Than mind sic brulyie.
|
by
Robert Burns
MY 1 heart is wae, and unco wae,
To think upon the raging sea,
That roars between her gardens green
An’ the bonie Lass of Albany.
This lovely maid’s of royal blood
That ruled Albion’s kingdoms three,
But oh, alas! for her bonie face,
They’ve wrang’d the Lass of Albany.
In the rolling tide of spreading Clyde
There sits an isle of high degree,
And a town of fame whose princely name
Should grace the Lass of Albany.
But there’s a youth, a witless youth,
That fills the place where she should be;
We’ll send him o’er to his native shore,
And bring our ain sweet Albany.
Alas the day, and woe the day,
A false usurper wan the gree,
Who now commands the towers and lands—
The royal right of Albany.
We’ll daily pray, we’ll nightly pray,
On bended knees most fervently,
The time may come, with pipe an’ drum
We’ll welcome hame fair Albany.
Note 1. Natural daughter of Prince Charles Edward. [back]
|
by
Robert Burns
IS there for honest Poverty
That hings his head, an’ a’ that;
The coward slave-we pass him by,
We dare be poor for a’ that!
For a’ that, an’ a’ that.
Our toils obscure an’ a’ that,
The rank is but the guinea’s stamp,
The Man’s the gowd for a’ that.
What though on hamely fare we dine,
Wear hoddin grey, an’ a that;
Gie fools their silks, and knaves their wine;
A Man’s a Man for a’ that:
For a’ that, and a’ that,
Their tinsel show, an’ a’ that;
The honest man, tho’ e’er sae poor,
Is king o’ men for a’ that.
Ye see yon birkie, ca’d a lord,
Wha struts, an’ stares, an’ a’ that;
Tho’ hundreds worship at his word,
He’s but a coof for a’ that:
For a’ that, an’ a’ that,
His ribband, star, an’ a’ that:
The man o’ independent mind
He looks an’ laughs at a’ that.
A prince can mak a belted knight,
A marquis, duke, an’ a’ that;
But an honest man’s abon his might,
Gude faith, he maunna fa’ that!
For a’ that, an’ a’ that,
Their dignities an’ a’ that;
The pith o’ sense, an’ pride o’ worth,
Are higher rank than a’ that.
Then let us pray that come it may,
(As come it will for a’ that,)
That Sense and Worth, o’er a’ the earth,
Shall bear the gree, an’ a’ that.
For a’ that, an’ a’ that,
It’s coming yet for a’ that,
That Man to Man, the world o’er,
Shall brothers be for a’ that.
|
by
Robert Burns
FIRST when Maggie was my care,
Heav’n, I thought, was in her air,
Now we’re married-speir nae mair,
But whistle o’er the lave o’t!
Meg was meek, and Meg was mild,
Sweet and harmless as a child—
Wiser men than me’s beguil’d;
Whistle o’er the lave o’t!
How we live, my Meg and me,
How we love, and how we gree,
I care na by how few may see—
Whistle o’er the lave o’t!
Wha I wish were maggot’s meat,
Dish’d up in her winding-sheet,
I could write-but Meg maun see’t—
Whistle o’er the lave o’t!
|
by
Robert Burns
Is there, for honest Poverty
That hings his head, and a' that;
The coward-slave, we pass him by,
We dare be poor for a' that!
For a' that, and a' that,
Our toils obscure, and a' that,
The rank is but the guinea's stamp,
The Man 's the gowd for a' that. -
What though on hamely fare we dine,
Wear hoddin grey, and a' that.
Gie fools their silks, and knaves their wine,
A Man 's a Man for a' that.
For a' that, and a' that,
Their tinsel show, and a' that;
The honest man, though e'er sae poor,
Is king o' men for a' that. -
Ye see yon birkie ca'd, a lord,
Wha struts, and stares, and a' that,
Though hundreds worship at his word,
He 's but a coof for a' that.
For a' that, and a' that,
His ribband, star and a' that,
The man of independant mind,
He looks and laughs at a' that. -
A prince can mak a belted knight,
A marquis, duke, and a' that;
But an honest man 's aboon his might,
Gude faith he mauna fa' that!
For a' that, and a' that,
Their dignities, and a' that,
The pith o' Sense, and pride o' Worth,
Are higher rank than a' that. -
Then let us pray that come it may,
As come it will for a' that,
That Sense and Worth, o'er a' the earth
Shall bear the gree, and a' that.
For a' that, and a' that,
Its comin yet for a' that,
That Man to Man the warld o'er,
Shall brothers be for a' that.
|