Scots Wha Hae Wi Wallace Bled

Read 'Scots Wha Hae Wi Wallace Bled' by 'Robert Burns' and provide your summary and literary analysis in the comments section below.

Scots Wha Hae Wi Wallace Bled by Robert Burns

 Scots, wha hae wi' Wallace bled,
Scots, wham Bruce has aften led,
Welcome to your gory bed,
Or to victory!

Now's the day, and now's the hour;
See the front o' battle lour,
See approach proud Edward's power— 
Chains and slavery!

Wha will be a traitor-knave?
Wha can fill a coward's grave?
Wha sae base as be a slave?
Let him turn and flee!

Wha for Scotland's king and law
Freedom's sword will strongly draw,
Freeman stand or freeman fa',
Let him follow me!

By oppression's woes and pains,
By your sons in servile chains,
We will drain our dearest veins,
But they shall be free!

Lay the proud usurpers low!
Tyrants fall in ev'ry foe!
Liberty's in ev'ry blow!
Let us do or die!

Form: Lyric

♡Like0

Share Comments