32. Song—Green Grow the Rashes

by
 Chor.
—Green grow the rashes, O; Green grow the rashes, O; The sweetest hours that e’er I spend, Are spent amang the lasses, O.
THERE’S nought but care on ev’ry han’, In ev’ry hour that passes, O: What signifies the life o’ man, An’ ’twere na for the lasses, O.
Green grow, &c.
The war’ly race may riches chase, An’ riches still may fly them, O; An’ tho’ at last they catch them fast, Their hearts can ne’er enjoy them, O.
Green grow, &c.
But gie me a cannie hour at e’en, My arms about my dearie, O; An’ war’ly cares, an’ war’ly men, May a’ gae tapsalteerie, O! Green grow, &c.
For you sae douce, ye sneer at this; Ye’re nought but senseless asses, O: The wisest man the warl’ e’er saw, He dearly lov’d the lasses, O.
Green grow, &c.
Auld Nature swears, the lovely dears Her noblest work she classes, O: Her prentice han’ she try’d on man, An’ then she made the lasses, O.
Green grow, &c.

Poem by
Biography | Poems | Best Poems | Short Poems | Quotes | Email Poem - 32. Song—Green Grow the RashesEmail Poem | Create an image from this poem

Poems are below...



Top Robert Burns Poems

Analysis and Comments on 32. Song—Green Grow the Rashes

Provide your analysis, explanation, meaning, interpretation, and comments on the poem 32. Song—Green Grow the Rashes here.