275. Song—The Laddie's dear sel'
THERE’S a youth in this city, it were a great pity
That he from our lassies should wander awa’;
For he’s bonie and braw, weel-favor’d witha’,
An’ his hair has a natural buckle an’ a’.
His coat is the hue o’ his bonnet sae blue,
His fecket is white as the new-driven snaw;
His hose they are blae, and his shoon like the slae,
And his clear siller buckles, they dazzle us a’.
For beauty and fortune the laddie’s been courtin;
Weel-featur’d, weel-tocher’d, weel-mounted an’ braw;
But chiefly the siller that gars him gang till her,
The penny’s the jewel that beautifies a’.
There’s Meg wi’ the mailen that fain wad a haen him,
And Susie, wha’s daddie was laird o’ the Ha’;
There’s lang-tocher’d Nancy maist fetters his fancy,
But the laddie’s dear sel’, he loes dearest of a’.
Poem by
Robert Burns
Biography |
Poems
| Best Poems | Short Poems
| Quotes
|
Email Poem |
More Poems by Robert Burns
Comments, Analysis, and Meaning on 275. Song—The Laddie's dear sel'
Provide your analysis, explanation, meaning, interpretation, and comments on the poem 275. Song—The Laddie's dear sel' here.
Commenting turned off, sorry.