226. Song—I hae a Wife o' my Ain

 I HAE a wife of my ain,
 I’ll partake wi’ naebody;
I’ll take Cuckold frae nane,
 I’ll gie Cuckold to naebody.



I hae a penny to spend,
 There—thanks to naebody!
I hae naething to lend,
 I’ll borrow frae naebody.



I am naebody’s lord,
 I’ll be slave to naebody;
I hae a gude braid sword,
 I’ll tak dunts frae naebody.



I’ll be merry and free,
 I’ll be sad for naebody;
Naebody cares for me,
 I care for naebody.

Biography | Poems | Best Poems | Short Poems | Quotes | Email Poem |

Poems are below...