225. Song—Of a' the Airts the Wind can Blaw
OF 1 a’ the airts the wind can blaw,
I dearly like the west,
For there the bonie lassie lives,
The lassie I lo’e best:
There’s wild-woods grow, and rivers row,
And mony a hill between:
But day and night my fancys’ flight
Is ever wi’ my Jean.
I see her in the dewy flowers,
I see her sweet and fair:
I hear her in the tunefu’ birds,
I hear her charm the air:
There’s not a bonie flower that springs,
By fountain, shaw, or green;
There’s not a bonie bird that sings,
But minds me o’ my Jean.
Written during a separation from Mrs.
Burns in their honeymoon.
Burns was preparing a home at Ellisland; Mrs.
Burns was at Mossgiel.
by Robert Burns
| Best Poems | Short Poems
Email Poem |
More Poems by Robert Burns
Comments, Analysis, and Meaning on 225. Song—Of a' the Airts the Wind can Blaw
Provide your analysis, explanation, meaning, interpretation, and comments on the poem 225. Song—Of a' the Airts the Wind can Blaw here.