207. Song—I'm O'er Young to Marry yet
Chorus.
—I’m o’er young, I’m o’er young,
I’m o’er young to marry yet;
I’m o’er young, ’twad be a sin
To tak me frae my mammy yet.
I AM my mammny’s ae bairn,
Wi’ unco folk I weary, sir;
And lying in a man’s bed,
I’m fley’d it mak me eerie, sir.
I’m o’er young, &c.
My mammie coft me a new gown,
The kirk maun hae the gracing o’t;
Were I to lie wi’ you, kind Sir,
I’m feared ye’d spoil the lacing o’t.
I’m o’er young, &c.
Hallowmass is come and gane,
The nights are lang in winter, sir,
And you an’ I in ae bed,
In trowth, I dare na venture, sir.
I’m o’er young, &c.
Fu’ loud an’ shill the frosty wind
Blaws thro’ the leafless timmer, sir;
But if ye come this gate again;
I’ll aulder be gin simmer, sir.
I’m o’er young, &c.
Poem by
Robert Burns
Biography |
Poems
| Best Poems | Short Poems
| Quotes
|
Email Poem |
More Poems by Robert Burns
Comments, Analysis, and Meaning on 207. Song—I'm O'er Young to Marry yet
Provide your analysis, explanation, meaning, interpretation, and comments on the poem 207. Song—I'm O'er Young to Marry yet here.