Details |
Ciliciah Chagane Poem
ke sereti sa ngwana mobu,
Itsibulo la murufe'a phogole
ke mmina nonyana nna ke ila tlhantlhagane
Gesu re bina ka tlhwatlhwadi tse pedi re a tshagela
ke gabo mebala ye mesehlana ya maribariba.
Re senya disele, re kgobakgobela mello'a tukela basele
Ke mabjale ke inela bjala go tlisa lethabo
Ke maisele a dithoro ke rothetsa thotse tsa letsema
Ke sereti sa phulamadibogo ke ahlamisa batseta
Ke kgadi ya masogana ke ikeme ke le nosi ,
Mathatha maimana ke rwala hlogong boka ngata
Ka fane ke Chagane a mmotong wa lethwele la phakamphele
Ke gata go boifisago ka tlhamo txa ntwa marumo
Kgarebe ya humo la go kgamixa ba mamone ka pelo
Mmantepa leme le sa kgaotseng go balabalela babogi
Mankgabane ke gesu motseng wa ditemo tsa go dumisa
Ke kgatheng ga melokoloko ya dithaba le di nokana
Ke tswa theng ga noka ditxhaba kutswi ya borrawexu
Nna mahlako a mphela melomo ya diperete tsa bosole
Sereti sa mathale a bojakane bja go ipipa ka sesotho sa Leboa.
Copyright © Ciliciah Chagane | Year Posted 2019
|
Details |
Ciliciah Chagane Poem
Ngwaga e be ele e se me ka geke ipona tlhakatlhakanong
Kgwedi txe mmalwa fela gore ke fetse atla tse pedi
Maahlo a be a bona fela tsa mono kgabagareng
Kgopolo ere nna ke sa nkga mekgatho
Efela pelo e lebaleba e bona lewatle la dikeledi
Diporogwana nakong yeo e be di fosetswa ntle.
Ntle go be go bonala fahlego tse senyegileng
Megopolo e bontsha e iketse magoletsa
Ka bo pimpane re bina ka thabo la go shiisa
Kgopolong re ipotsa ga re phonyokgile meenong a ditau,
Re phonyogile atleng tsa bo maratahelele.
Re sa tsebe ge bohloko bja bolwetsi bo sa le tseleng
Re sa tsebe ge matsatsi a hlaba ae tla le bogolo
Kgatheng ga dithaka ka bona kele tshuana rrawaka a ntse a hema
Pelong ke le nosi kare naa goreng waka ale bjalo
Naa ke sentseng pele ga maahlo a Yobolo,
Ge nna waka a sa ithakgarage go e tsa bangwe
Ke ntse kele thakhaletswalo , kgarebe e tee kele bjalo.
Copyright © Ciliciah Chagane | Year Posted 2019
|