Bernardo F. Asuncion Poet Couplet

Huwag Pababayaan Ang Mga Pagsamba

Huwag pababayaan ang mga pagsamba, 
Magkaroon man ng hadlang o ng problema; 
Sa loob ng templo'y tiyak malulunasan
Ang mga suliraning pinagdaraanan.

Umawit ng pagpupuri at manalangin, 
Ang mga aral ng Diyos ay ating dinggin; 
Pagtalagahan natin ang paghahandog, 
Hirap at pag-uusig sa Diyos idulog.

Huwag nating ipagpapalit ang pagsamba
Sa anomang bagay na pawang panlupa; 
Ipagpauna natin ang Dakilang Diyos, 
At paglingkuran ang Panginoon nang lubos.

Huwag lumiban sa ating mga pagdalo, 
Sa pagluwalhati sa Diyos na totoo; 
Magpakasigla sa ating pagkakatipon, 
Sapagkat nagmamadali na ang panahon. 

Anomang araw na may pagharap sa Ama, 
At kay Cristo na S'yang pangulo ng Iglesia; 
Ihanda ang puso, isip, at kaluluwa, 
Huwag pababayaan ang mga pagsamba.

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment