Jose Radin Llorca Garduque Poet Rhyme

59 Muni-Muni ng Guni-Guni

59.

Muni-Muni ng Guni-Guni



Wala nang piglas sa bakal na gapos

Gigil na pangil ‘di pigil pagyapos

Poot ay lubusan kong natatalos



Kahit patuloy paring minumulto

Ng anino ng pumariwarang pagkatao

Huwag pong ikukubli mahabaging puso



Kahit ako'y salat na sa lakas

Dahil sa mga sugat ng nakalipas

Huwag po tutulutan na tuluyang malagas



Ako'y nakikinig sa pagbasa ng sentensiya

Mga tenga'y bukas, piniringan man mga mata

Dustain man sa yamot, sa awa Mo'y tiwala



Talim ng ‘yong dila sa puso tusok

Mga aral nito'y pinapapasok

Sa bulwagan ng diwang ‘di pa bulok.



-11/26/2011

(Dumarao)

*sentimental mood

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment