Jose Radin Llorca Garduque Poet Rhyme

278 Lasa ng Sumpa

278.

Lasa ng Sumpa



Oh anong anghang, asim at pait

Na sa kasawian ako ay idawit



Sadyang kayhapdi ng mga parinig

Ang turing sa akin ay higit pa sa manlulupig



Inuusig nang lubos ang aking konsensiya

Kayraming gabing binangungot, pinaluha



Ganito ba ang katarungang nais kong makamit?

Para akong hinuhubaran ng damit!



Parang pinipilipit ang aking mga bisig

Ako na nang-usig ang siya pang inuusig



Oh nakakahiya at nakapanghihina

Dahil alam kong batid na ang aking nagawa



Oh dulutan ng lunas ang kaluluwang may karamdaman

Huwag itong hayaan na malugmok sa kadiliman!



-11/13/2014

(Dumarao)

*My Cursed Poems Collection

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment