Jose Radin Llorca Garduque Poet Rhyme

254 Legasiya sg mga Pilipino

254.

Legasiya sg mga Pilipino



Aton sa liwat handurawon

Ang isa ka maragtason nga tini-on

Tini-on kon sa diin naghugpong kita

Agud tapuson ang diktadurya

Diktadurya nga sa aton nagpamigos

Naghatag sg kahadlok kg pag-antos

Gamit ang kamot nga salsalon

Mga krony naghari sa gobierno naton

Ang kahilwayan sa pagpahayag

Hinali nga natiphag

Naglala ang komunismo kg terorismo

Kg pagbayular sg kinamatarong sg tawo

Gani kita nagsinggit sa mga dalan

Nga ang gobierno dapat na islan

Kg sang ginpatay si Ninoy Aquino

Kg sang sa Sanap Election kita ginunto

Minilyon nga mga tawo naghugpong sa EDSA

Kg nagsinggitan nga “Tama na! Sobra na!”

Sa tunga sg mga soldado kg tangke

Imol, manggaranon, babayi, lalaki, estudyante, mga madre

Matawag ini nga isa ka mirakulo

Kay wala sg gamo kg nag-agay nga dugo

Isa ini ka rebolusyon nga mahidaeton

Inspirasyon sg tanan nga mga nasyon

Amo ini ang legasiya sg mga Pilipino

Nga dapat ipabugal sa tanan nga tawo!



-02/11/2014

(Dumarao)

*written this Evelio Javier Day in Panay…aired on Bombo News Analysis in Feb. 24, 2014

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment