Free online greeting card maker or poetry art generator. Create free custom printable greeting cards or art from photos and text online. Use PoetrySoup's free online software to make greeting cards from poems, quotes, or your own words. Generate memes, cards, or poetry art for any occasion; weddings, anniversaries, holidays, etc (See examples here). Make a card to show your loved one how special they are to you. Once you make a card, you can email it, download it, or share it with others on your favorite social network site like Facebook. Also, you can create shareable and downloadable cards from poetry on PoetrySoup. Use our poetry search engine to find the perfect poem, and then click the camera icon to create the card or art.
Enter Title (Not Required)
Enter Poem or Quote (Required)
After amala and ewedu,
And after the round two of egusi and fufu.
Na im my eyes come dey pinch me,
Small small i dey close am.
Before i know i don dey doze,
Wetin we dey talk? I don sleep.
I see two big molue,
Wey be like aeroplane.
I come see people wey line up,
dey enter one by one.
'Yeeh!',dey no even rush,
Im be like magic for my eye.
Me too come dey near dem,
But fear kon dey catch me.
I notice sey na oju elegba we dey,
Everywhere clean like Oyinbo water.
Na only me kon dey confuse,
Becos i know understand again.
No mo agbero for road,
No more Olosho for road.
No more Iya eleko for the road,
Even those Malaam no dey.
'Hey!,be careful with it',i dey hear
One man wey be like conductor dey talk.
Shu!,"Wonders shall never end",
Na so Oyinbo dey talk am.
You need to see wetin i see,
You too no go fit believe am.
The conductor wear cloth like pastor,
Even passangers sef serious like wheel chair.
Eno teyl,we reach Okoko,
Guy 'Eda ko la ro pin o' -
You no fit under estimate people oo.
As the motor dey go jejeli,
I no see any 'Where is you particular'.
Even gala sellers no dey there.
I kon dey wonder,if dey go strike.
'Cos for Nigeria anything fit happen.
Those allah ba musa house no dey there
E kon be like small London.
Na im i mellow dey look,
Dey expect wetin i go see next.
Eno teyl as the motor dey go,
Na im i see 'Where is your particular'
dey smile stop the motor-
E be like sey i dey for heaven dey watch
I kon dey use eye look for
The guy we get P.O.S for hand.
'How are you today?',one inside
dem dey blow the driver grammar.
I dey expect sey e go ask for money,
But my people,e no ask for shigbanyi.
I come dey imagine sey,
Shey na like dis things dey change?
Lagos wey i no before;
Gala seller go dey pursue you,
People wey run pass your motor.
Oga police go block you before you stop,
Den you go know "Survival of the fittest".
You go dey hear "brother Chukwudi,
The pioneer,Chief founder,President
Of 'Healings wings int'l missionary clinic".
Agbero go dey drag money
With the conductor.
You go see Nigerian wey be like indian.
E go dey tell you sey,
E new for Nigeria and e
no sabi our money wella.
He go kon collect your money,
Dupe you and even dupe your conscience.
Only you go kon dey cry.
You go kon carry Soldier go,
But before you reach there.
He don carry your money go.
Na then you go kon see preacher,
Wey go tell you sey;
'Let by gone be by gone!
I no forget,Alaba boys,
Wey go sell phone for you--
phone wey get fufu engine.
You don dey happy sey
You don by new phone-techno L8.
Na wen you reach house,you go
kon know sey na fufu you buy.
You go kon carry soldier go,
Before you come,he don go.
Na im friend you go see,
But if the soldier hold the friend,
Na den he go call am.
Den e go kon give you,your money back.
But this new Lagos,
No be like dat again.
The road be like paradise own,
the people sef be like Angel.
The people and the road ehn;
I no even know wetin to talk.
Even Ajagbandi student dey
speak konk pho-ne....
The teacher no dey hold
Long cane wey be like pole again.
The school even get plenty plenty computer,
Even every pikin get laptop.
Shu!,If Lagos be like dis,
Den,how Zaria go be?
Those Oselu* no dey chop money again,
Even,dem no dey lie again.
Only me kon dey imagine sey
Dis place na Lagos or another place?
All the beta beta thing wey i see,
Agbero kon become soldier friend.
But na dreama sha!
Enter Author Name (Not Required)