by
Robert Burns
AULD chuckie Reekie’s 1 sair distrest,
Down droops her ance weel burnish’d crest,
Nae joy her bonie buskit nest
Can yield ava,
Her darling bird that she lo’es best—
Willie’s awa!
O Willie was a witty wight,
And had o’ things an unco’ sleight,
Auld Reekie aye he keepit tight,
And trig an’ braw:
But now they’ll busk her like a fright,—
Willie’s awa!
The stiffest o’ them a’ he bow’d,
The bauldest o’ them a’ he cow’d;
They durst nae mair than he allow’d,
That was a law:
We’ve lost a birkie weel worth gowd;
Willie’s awa!
Now gawkies, tawpies, gowks and fools,
Frae colleges and boarding schools,
May sprout like simmer puddock-stools
In glen or shaw;
He wha could brush them down to mools—
Willie’s awa!
The brethren o’ the Commerce-chaumer
May mourn their loss wi’ doolfu’ clamour;
He was a dictionar and grammar
Among them a’;
I fear they’ll now mak mony a stammer;
Willie’s awa!
Nae mair we see his levee door
Philosophers and poets pour,
And toothy critics by the score,
In bloody raw!
The adjutant o’ a’ the core—
Willie’s awa!
Now worthy Gregory’s Latin face,
Tytler’s and Greenfield’s modest grace;
Mackenzie, Stewart, such a brace
As Rome ne’er saw;
They a’ maun meet some ither place,
Willie’s awa!
Poor Burns ev’n Scotch Drink canna quicken,
He cheeps like some bewilder’d chicken
Scar’d frae it’s minnie and the cleckin,
By hoodie-craw;
Grieg’s gien his heart an unco kickin,
Willie’s awa!
Now ev’ry sour-mou’d girnin blellum,
And Calvin’s folk, are fit to fell him;
Ilk self-conceited critic skellum
His quill may draw;
He wha could brawlie ward their bellum—
Willie’s awa!
Up wimpling stately Tweed I’ve sped,
And Eden scenes on crystal Jed,
And Ettrick banks, now roaring red,
While tempests blaw;
But every joy and pleasure’s fled,
Willie’s awa!
May I be Slander’s common speech;
A text for Infamy to preach;
And lastly, streekit out to bleach
In winter snaw;
When I forget thee, Willie Creech,
Tho’ far awa!
May never wicked Fortune touzle him!
May never wicked men bamboozle him!
Until a pow as auld’s Methusalem
He canty claw!
Then to the blessed new Jerusalem,
Fleet wing awa!
Note 1. Edinburgh. [back]
|
by
Robert Burns
SOME books are lies frae end to end,
And some great lies were never penn’d:
Ev’n ministers they hae been kenn’d,
In holy rapture,
A rousing whid at times to vend,
And nail’t wi’ Scripture.
But this that I am gaun to tell,
Which lately on a night befell,
Is just as true’s the Deil’s in hell
Or Dublin city:
That e’er he nearer comes oursel’
’S a muckle pity.
The clachan yill had made me canty,
I was na fou, but just had plenty;
I stacher’d whiles, but yet too tent aye
To free the ditches;
An’ hillocks, stanes, an’ bushes, kenn’d eye
Frae ghaists an’ witches.
The rising moon began to glowre
The distant Cumnock hills out-owre:
To count her horns, wi’ a my pow’r,
I set mysel’;
But whether she had three or four,
I cou’d na tell.
I was come round about the hill,
An’ todlin down on Willie’s mill,
Setting my staff wi’ a’ my skill,
To keep me sicker;
Tho’ leeward whiles, against my will,
I took a bicker.
I there wi’ Something did forgather,
That pat me in an eerie swither;
An’ awfu’ scythe, out-owre ae shouther,
Clear-dangling, hang;
A three-tae’d leister on the ither
Lay, large an’ lang.
Its stature seem’d lang Scotch ells twa,
The queerest shape that e’er I saw,
For fient a wame it had ava;
And then its shanks,
They were as thin, as sharp an’ sma’
As cheeks o’ branks.
“Guid-een,” quo’ I; “Friend! hae ye been mawin,
When ither folk are busy sawin!” 1
I seem’d to make a kind o’ stan’
But naething spak;
At length, says I, “Friend! whare ye gaun?
Will ye go back?”
It spak right howe,—“My name is Death,
But be na fley’d.”—Quoth I, “Guid faith,
Ye’re maybe come to stap my breath;
But tent me, billie;
I red ye weel, tak care o’ skaith
See, there’s a gully!”
“Gudeman,” quo’ he, “put up your whittle,
I’m no designed to try its mettle;
But if I did, I wad be kittle
To be mislear’d;
I wad na mind it, no that spittle
Out-owre my beard.”
“Weel, weel!” says I, “a bargain be’t;
Come, gie’s your hand, an’ sae we’re gree’t;
We’ll ease our shanks an tak a seat—
Come, gie’s your news;
This while ye hae been mony a gate,
At mony a house.” 2
“Ay, ay!” quo’ he, an’ shook his head,
“It’s e’en a lang, lang time indeed
Sin’ I began to nick the thread,
An’ choke the breath:
Folk maun do something for their bread,
An’ sae maun Death.
“Sax thousand years are near-hand fled
Sin’ I was to the butching bred,
An’ mony a scheme in vain’s been laid,
To stap or scar me;
Till ane Hornbook’s 3 ta’en up the trade,
And faith! he’ll waur me.
“Ye ken Hornbook i’ the clachan,
Deil mak his king’s-hood in spleuchan!
He’s grown sae weel acquaint wi’ Buchan 4
And ither chaps,
The weans haud out their fingers laughin,
An’ pouk my hips.
“See, here’s a scythe, an’ there’s dart,
They hae pierc’d mony a gallant heart;
But Doctor Hornbook, wi’ his art
An’ cursed skill,
Has made them baith no worth a f—t,
D—n’d haet they’ll kill!
“’Twas but yestreen, nae farther gane,
I threw a noble throw at ane;
Wi’ less, I’m sure, I’ve hundreds slain;
But deil-ma-care,
It just play’d dirl on the bane,
But did nae mair.
“Hornbook was by, wi’ ready art,
An’ had sae fortify’d the part,
That when I looked to my dart,
It was sae blunt,
Fient haet o’t wad hae pierc’d the heart
Of a kail-runt.
“I drew my scythe in sic a fury,
I near-hand cowpit wi’ my hurry,
But yet the bauld Apothecary
Withstood the shock;
I might as weel hae tried a quarry
O’ hard whin rock.
“Ev’n them he canna get attended,
Altho’ their face he ne’er had kend it,
Just —— in a kail-blade, an’ sent it,
As soon’s he smells ’t,
Baith their disease, and what will mend it,
At once he tells ’t.
“And then, a’ doctor’s saws an’ whittles,
Of a’ dimensions, shapes, an’ mettles,
A’ kind o’ boxes, mugs, an’ bottles,
He’s sure to hae;
Their Latin names as fast he rattles
As A B C.
“Calces o’ fossils, earths, and trees;
True sal-marinum o’ the seas;
The farina of beans an’ pease,
He has’t in plenty;
Aqua-fontis, what you please,
He can content ye.
“Forbye some new, uncommon weapons,
Urinus spiritus of capons;
Or mite-horn shavings, filings, scrapings,
Distill’d per se;
Sal-alkali o’ midge-tail clippings,
And mony mae.”
“Waes me for Johnie Ged’s-Hole 5 now,”
Quoth I, “if that thae news be true!
His braw calf-ward whare gowans grew,
Sae white and bonie,
Nae doubt they’ll rive it wi’ the plew;
They’ll ruin Johnie!”
The creature grain’d an eldritch laugh,
And says “Ye needna yoke the pleugh,
Kirkyards will soon be till’d eneugh,
Tak ye nae fear:
They’ll be trench’d wi’ mony a sheugh,
In twa-three year.
“Whare I kill’d ane, a fair strae-death,
By loss o’ blood or want of breath
This night I’m free to tak my aith,
That Hornbook’s skill
Has clad a score i’ their last claith,
By drap an’ pill.
“An honest wabster to his trade,
Whase wife’s twa nieves were scarce weel-bred
Gat tippence-worth to mend her head,
When it was sair;
The wife slade cannie to her bed,
But ne’er spak mair.
“A country laird had ta’en the batts,
Or some curmurring in his guts,
His only son for Hornbook sets,
An’ pays him well:
The lad, for twa guid gimmer-pets,
Was laird himsel’.
“A bonie lass—ye kend her name—
Some ill-brewn drink had hov’d her wame;
She trusts hersel’, to hide the shame,
In Hornbook’s care;
Horn sent her aff to her lang hame,
To hide it there.
“That’s just a swatch o’ Hornbook’s way;
Thus goes he on from day to day,
Thus does he poison, kill, an’ slay,
An’s weel paid for’t;
Yet stops me o’ my lawfu’ prey,
Wi’ his d—n’d dirt:
“But, hark! I’ll tell you of a plot,
Tho’ dinna ye be speakin o’t;
I’ll nail the self-conceited sot,
As dead’s a herrin;
Neist time we meet, I’ll wad a groat,
He gets his fairin!”
But just as he began to tell,
The auld kirk-hammer strak the bell
Some wee short hour ayont the twal’,
Which rais’d us baith:
I took the way that pleas’d mysel’,
And sae did Death.
Note 1. This recontre happened in seed-time, 1785.—R. B. [back]
Note 2. An epidemical fever was then raging in that country.—R. B. [back]
Note 3. This gentleman, Dr. Hornbook, is professionally a brother of the sovereign Order of the Ferula; but, by intuition and inspiration, is at once an apothecary, surgeon, and physician.—R. B. [back]
Note 4. Burchan’s Domestic Medicine.—R. B. [back]
Note 5. The grave-digger.—R. B. [back]
|
by
Eugene Field
Up yonder in Buena Park
There is a famous spot,
In legend and in history
Yclept the Waller Lot.
There children play in daytime
And lovers stroll by dark,
For 't is the goodliest trysting-place
In all Buena Park.
Once on a time that beauteous maid,
Sweet little Sissy Knott,
Took out her pretty doll to walk
Within the Waller Lot.
While thus she fared, from Ravenswood
Came Injuns o'er the plain,
And seized upon that beauteous maid
And rent her doll in twain.
Oh, 't was a piteous thing to hear
Her lamentations wild;
She tore her golden curls and cried:
"My child! My child! My child!"
Alas, what cared those Injun chiefs
How bitterly wailed she?
They never had been mothers,
And they could not hope to be!
"Have done with tears," they rudely quoth,
And then they bound her hands;
For they proposed to take her off
To distant border lands.
But, joy! from Mr. Eddy's barn
Doth Willie Clow behold
The sight that makes his hair rise up
And all his blood run cold.
He put his fingers in his mouth
And whistled long and clear,
And presently a goodly horde
Of cow-boys did appear.
Cried Willie Clow: "My comrades bold,
Haste to the Waller Lot,
And rescue from that Injun band
Our charming Sissy Knott!"
"Spare neither Injun buck nor squaw,
But smite them hide and hair!
Spare neither sex nor age nor size,
And no condition spare!"
Then sped that cow-boy band away,
Full of revengeful wrath,
And Kendall Evans rode ahead
Upon a hickory lath.
And next came gallant Dady Field
And Willie's brother Kent,
The Eddy boys and Robbie James,
On murderous purpose bent.
For they were much beholden to
That maid - in sooth, the lot
Were very, very much in love
With charming Sissy Knott.
What wonder? She was beauty's queen,
And good beyond compare;
Moreover, it was known she was
Her wealthy father's heir!
Now when the Injuns saw that band
They trembled with affright,
And yet they thought the cheapest thing
To do was stay and fight.
So sturdily they stood their ground,
Nor would their prisoner yield,
Despite the wrath of Willie Clow
And gallant Dady Field.
Oh, never fiercer battle raged
Upon the Waller Lot,
And never blood more freely flowed
Than flowed for Sissy Knott!
An Injun chief of monstrous size
Got Kendall Evans down,
And Robbie James was soon o'erthrown
By one of great renown.
And Dady Field was sorely done,
And Willie Clow was hurt,
And all that gallant cow-boy band
Lay wallowing in the dirt.
But still they strove with might and main
Till all the Waller Lot
Was strewn with hair and gouts of gore -
All, all for Sissy Knott!
Then cried the maiden in despair:
"Alas, I sadly fear
The battle and my hopes are lost,
Unless some help appear!"
Lo, as she spoke, she saw afar
The rescuer looming up -
The pride of all Buena Park,
Clow's famous yellow pup!
"Now, sick'em, Don," the maiden cried,
"Now, sick'em, Don!" cried she;
Obedient Don at once complied -
As ordered, so did he.
He sicked'em all so passing well
That, overcome by fright,
The Indian horde gave up the fray
And safety sought in flight.
They ran and ran and ran and ran
O'er valley, plain, and hill;
And if they are not walking now,
Why, then, they're running still.
The cow-boys rose up from the dust
With faces black and blue;
"Remember, beauteous maid," said they,
"We've bled and died for you!"
"And though we suffer grievously,
We gladly hail the lot
That brings us toils and pains and wounds
For charming Sissy Knott!"
But Sissy Knott still wailed and wept,
And still her fate reviled;
For who could patch her dolly up -
Who, who could mend her child?
Then out her doting mother came,
And soothed her daughter then;
"Grieve not, my darling, I will sew
Your dolly up again!"
Joy soon succeeded unto grief,
And tears were soon dried up,
And dignities were heaped upon
Clow's noble yellow pup.
Him all that goodly company
Did as deliverer hail -
They tied a ribbon round his neck,
Another round his tail.
And every anniversary day
Upon the Waller Lot
They celebrate the victory won
For charming Sissy Knott.
And I, the poet of these folk,
Am ordered to compile
This truly famous history
In good old ballad style.
Which having done as to have earned
The sweet rewards of fame,
In what same style I did begin
I now shall end the same.
So let us sing: Long live the King,
Long live the Queen and Jack,
Long live the ten-spot and the ace,
And also all the pack.
|
by
Robert Burns
O THOU, who in the heavens does dwell,
Who, as it pleases best Thysel’,
Sends ane to heaven an’ ten to hell,
A’ for Thy glory,
And no for ony gude or ill
They’ve done afore Thee!
I bless and praise Thy matchless might,
When thousands Thou hast left in night,
That I am here afore Thy sight,
For gifts an’ grace
A burning and a shining light
To a’ this place.
What was I, or my generation,
That I should get sic exaltation,
I wha deserve most just damnation
For broken laws,
Five thousand years ere my creation,
Thro’ Adam’s cause?
When frae my mither’s womb I fell,
Thou might hae plunged me in hell,
To gnash my gums, to weep and wail,
In burnin lakes,
Where damned devils roar and yell,
Chain’d to their stakes.
Yet I am here a chosen sample,
To show thy grace is great and ample;
I’m here a pillar o’ Thy temple,
Strong as a rock,
A guide, a buckler, and example,
To a’ Thy flock.
O L—d, Thou kens what zeal I bear,
When drinkers drink, an’ swearers swear,
An’ singin there, an’ dancin here,
Wi’ great and sma’;
For I am keepit by Thy fear
Free frae them a’.
But yet, O L—d! confess I must,
At times I’m fash’d wi’ fleshly lust:
An’ sometimes, too, in wardly trust,
Vile self gets in:
But Thou remembers we are dust,
Defil’d wi’ sin.
O L—d! yestreen, Thou kens, wi’ Meg—
Thy pardon I sincerely beg,
O! may’t ne’er be a livin plague
To my dishonour,
An’ I’ll ne’er lift a lawless leg
Again upon her.
Besides, I farther maun allow,
Wi’ Leezie’s lass, three times I trow—
But L—d, that Friday I was fou,
When I cam near her;
Or else, Thou kens, Thy servant true
Wad never steer her.
Maybe Thou lets this fleshly thorn
Buffet Thy servant e’en and morn,
Lest he owre proud and high shou’d turn,
That he’s sae gifted:
If sae, Thy han’ maun e’en be borne,
Until Thou lift it.
L—d, bless Thy chosen in this place,
For here Thou hast a chosen race:
But G—d confound their stubborn face,
An’ blast their name,
Wha bring Thy elders to disgrace
An’ public shame.
L—d, mind Gaw’n Hamilton’s deserts;
He drinks, an’ swears, an’ plays at cartes,
Yet has sae mony takin arts,
Wi’ great and sma’,
Frae G—d’s ain priest the people’s hearts
He steals awa.
An’ when we chasten’d him therefor,
Thou kens how he bred sic a splore,
An’ set the warld in a roar
O’ laughing at us;—
Curse Thou his basket and his store,
Kail an’ potatoes.
L—d, hear my earnest cry and pray’r,
Against that Presbyt’ry o’ Ayr;
Thy strong right hand, L—d, make it bare
Upo’ their heads;
L—d visit them, an’ dinna spare,
For their misdeeds.
O L—d, my G—d! that glib-tongu’d Aiken,
My vera heart and flesh are quakin,
To think how we stood sweatin’, shakin,
An’ p—’d wi’ dread,
While he, wi’ hingin lip an’ snakin,
Held up his head.
L—d, in Thy day o’ vengeance try him,
L—d, visit them wha did employ him,
And pass not in Thy mercy by ’em,
Nor hear their pray’r,
But for Thy people’s sake, destroy ’em,
An’ dinna spare.
But, L—d, remember me an’ mine
Wi’ mercies temp’ral an’ divine,
That I for grace an’ gear may shine,
Excell’d by nane,
And a’ the glory shall be thine,
Amen, Amen!
|
by
Eugene Field
When Willie was a little boy,
No more than five or six,
Right constantly he did annoy
His mother with his tricks.
Yet not a picayune cared I
For what he did or said,
Unless, as happened frequently,
The rascal wet the bed.
Closely he cuddled up to me,
And put his hands in mine,
Till all at once I seemed to be
Afloat in seas of brine.
Sabean odors clogged the air,
And filled my soul with dread,
Yet I could only grin and bear
When Willie wet the bed.
'Tis many times that rascal has
Soaked all the bedclothes through,
Whereat I'd feebly light the gas
And wonder what to do.
Yet there he lay, so peaceful like;
God bless his curly head,
I quite forgave the little tyke
For wetting of the bed.
Ah me, those happy days have flown.
My boy's a father, too,
And little Willies of his own
Do what he used to do.
And I! Ah, all that's left for me
Is dreams of pleasure fled!
Our boys ain't what they used to be
When Willie wet the bed.
Had I my choice, no shapely dame
Should share my couch with me,
No amorous jade of tarnished fame,
Nor wench of high degree;
But I would choose and choose again
The little curly head,
Who cuddled close beside me when
He used to wet the bed.
|
by
Robert Burns
WILLIE WASTLE dwalt on Tweed,
The spot they ca’d it Linkumdoddie;
Willie was a wabster gude,
Could stown a clue wi’ ony body:
He had a wife was dour and din,
O Tinkler Maidgie was her mither;
Sic a wife as Willie had,
I wad na gie a button for her!
She has an e’e, she has but ane,
The cat has twa the very colour;
Five rusty teeth, forbye a stump,
A clapper tongue wad deave a miller:
A whiskin beard about her mou’,
Her nose and chin they threaten ither;
Sic a wife as Willie had,
I wadna gie a button for her!
She’s bow-hough’d, she’s hein-shin’d,
Ae limpin leg a hand-breed shorter;
She’s twisted right, she’s twisted left,
To balance fair in ilka quarter:
She has a lump upon her breast,
The twin o’ that upon her shouther;
Sic a wife as Willie had,
I wadna gie a button for her!
Auld baudrons by the ingle sits,
An’ wi’ her loof her face a-washin;
But Willie’s wife is nae sae trig,
She dights her grunzie wi’ a hushion;
Her walie nieves like midden-creels,
Her face wad fyle the Logan Water;
Sic a wife as Willie had,
I wadna gie a button for her!
|
by
Robert Burns
HERE awa, there awa, wandering Willie,
Here awa, there awa, haud awa hame;
Come to my bosom, my ain only dearie,
Tell me thou bring’st me my Willie the same.
Winter winds blew loud and cauld at our parting,
Fears for my Willie brought tears in my e’e,
Welcome nowhSimmer, and welcome, my Willie,
The Simmer to Nature, my Willie to me!
Rest, ye wild storms, in the cave of your slumbers,
How your dread howling a lover alarms!
Wauken, ye breezes, row gently, ye billows,
And waft my dear laddie ance mair to my arms.
But oh, if he’s faithless, and minds na his Nannie,
Flow still between us, thou wide roaring main!
May I never see it, may I never trow it,
But, dying, believe that my Willie’s my ain!
|
by
Robert Burns
HAD I the wyte, had I the wyte,
Had I the wyte? she bade me;
She watch’d me by the hie-gate side,
And up the loan she shaw’d me.
And when I wadna venture in,
A coward loon she ca’d me:
Had Kirk an’ State been in the gate,
I’d lighted when she bade me.
Sae craftilie she took me ben,
And bade me mak nae clatter;
“For our ramgunshoch, glum gudeman
Is o’er ayont the water.”
Whae’er shall say I wanted grace,
When I did kiss and dawte her,
Let him be planted in my place,
Syne say, I was the fautor.
Could I for shame, could I for shame,
Could I for shame refus’d her;
And wadna manhood been to blame,
Had I unkindly used her!
He claw’d her wi’ the ripplin-kame,
And blae and bluidy bruis’d her;
When sic a husband was frae hame,
What wife but wad excus’d her!
I dighted aye her e’en sae blue,
An’ bann’d the cruel randy,
And weel I wat, her willin’ mou
Was sweet as sugar-candie.
At gloamin-shot, it was I wot,
I lighted on the Monday;
But I cam thro’ the Tyseday’s dew,
To wanton Willie’s brandy.
|
by
Robert Burns
O LOGAN, sweetly didst thou glide,
That day I was my Willie’s bride,
And years sin syne hae o’er us run,
Like Logan to the simmer sun:
But now thy flowery banks appear
Like drumlie Winter, dark and drear,
While my dear lad maun face his faes,
Far, far frae me and Logan braes.
Again the merry month of May
Has made our hills and valleys gay;
The birds rejoice in leafy bowers,
The bees hum round the breathing flowers;
Blythe Morning lifts his rosy eye,
And Evening’s tears are tears o’ joy:
My soul, delightless a’ surveys,
While Willie’s far frae Logan braes.
Within yon milk-white hawthorn bush,
Amang her nestlings sits the thrush:
Her faithfu’ mate will share her toil,
Or wi’ his song her cares beguile;
But I wi’ my sweet nurslings here,
Nae mate to help, nae mate to cheer,
Pass widow’d nights and joyless days,
While Willie’s far frae Logan braes.
O wae be to you, Men o’ State,
That brethren rouse to deadly hate!
As ye make mony a fond heart mourn,
Sae may it on your heads return!
How can your flinty hearts enjoy
The widow’s tear, the orphan’s cry?
But soon may peace bring happy days,
And Willie hame to Logan braes!
|
by
Robert Burns
HERE awa, there awa, wandering Willie,
Now tired with wandering, haud awa hame;
Come to my bosom, my ae only dearie,
And tell me thou bring’st me my Willie the same.
Loud blew the cauld winter winds at our parting;
It was na the blast brought the tear in my e’e:
Now welcome the Simmer, and welcome my Willie,
The Simmer to Nature, my Willie to me.
Ye hurricanes rest in the cave o’your slumbers,
O how your wild horrors a lover alarms!
Awaken ye breezes, row gently ye billows,
And waft my dear laddie ance mair to my arms.
But if he’s forgotten his faithfullest Nannie,
O still flow between us, thou wide roaring main;
May I never see it, may I never trow it,
But, dying, believe that my Willie’s my ain!
|