10 Best Famous Has Poems

Here is a collection of the top 10 all-time best famous Has poems. This is a select list of the best famous Has poetry. Reading, writing, and enjoying famous Has poetry (as well as classical and contemporary poems) is a great past time. These top poems are the best examples of has poems.

• All Famous Has Poems

 AMANG the trees, where humming bees,
 At buds and flowers were hinging, O,
Auld Caledon drew out her drone,
 And to her pipe was singing, O:
’Twas Pibroch, Sang, Strathspeys, and Reels,
 She dirl’d them aff fu’ clearly, O:
When there cam’ a yell o’ foreign squeels,
 That dang her tapsalteerie, O.


Their capon craws an’ ***** “ha, ha’s,”
 They made our lugs grow eerie, O;
The hungry bike did scrape and fyke,
 Till we were wae and weary, O:
But a royal ghaist, wha ance was cas’d,
 A prisoner, aughteen year awa’,
He fir’d a Fiddler in the North,
 That dang them tapsalteerie, O.

 Ither laddies may ha's finer claes, and may be better fed,
But nane o' them a'has sic a bonnie curly heid,
O sie a blythe blink in their e'e,
As my ain curly fair-hair'd laddie, Little Jamie. 

When I gang oot tae tak' a walk wi' him, alang the Magdalen Green,
It mak's my heart feel lichtsome tae see him sae sharp and keen,
And he pu's the wee gowans, and gie's them to me,
My ain curly fair-hair'd laddie, Little Jamie. 

When he rises in the mornin' an' gets oot o' bed,
He says, mither, mind ye'll need tae toast my faither's bread.
For he aye gie's me a bawbee;
He's the best little laddie that ever I did see,
My ain curly fair-hair'd laddie, Little Jamie. 

When I gang oot tae tak' a walk alang the streets o' Dundee,
And views a' the little laddies that I chance to see,
Nane o' them a' seems sae lovely to me,
As my ain curly fair-hair'd laddie, Little Jamie. 

The laddie is handsome and fair to be seen,
He has a bonnie cheerie mou', and taw blue e'en,
And he prattles like an auld grandfaither richt merrily;
He's the funniest little laddie that ever I did see,
My ain curly fair-hair'd Iaddie, Little Jamie. 

Whene'er that he kens I am coming hame frae my wark,
He runs oot tae meet me as cheerful as the lark,
And he says, faither, I'm wanting just a'e bawbee,
My ain curly fair-hair'd laddie, Little Jamie.