Ye Banks And Braes OBonnie Doon

Read 'Ye Banks And Braes OBonnie Doon' by 'Robert Burns' and provide your summary and literary analysis in the comments section below.

Ye Banks And Braes OBonnie Doon by Robert Burns

 Ye banks and braes o' bonnie Doon,
How can ye bloom sae fair!
How can ye chant, ye little birds,
And I sae fu' o' care!

Thou'll break my heart, thou bonnie bird
That sings upon the bough;
Thou minds me o' the happy days
When my fause Luve was true.

Thou'll break my heart, thou bonnie bird
That sings beside thy mate;
For sae I sat, and sae I sang,
And wist na o' my fate.

Aft hae I roved by bonnie Doon
To see the woodbine twine,
And ilka bird sang o' its love;
And sae did I o' mine.

Wi' lightsome heart I pu'd a rose
Frae aff its thorny tree;
And my fause luver staw the rose,
But left the thorn wi' me.

Form: Ballad

♡Like0

Share Comments