93. The Rantin Dog the Daddie o't
Read '93. The Rantin Dog the Daddie o't' by 'Robert Burns' and provide your summary and literary analysis in the comments section below.
93. The Rantin Dog the Daddie o't by Robert Burns
O WHA my babie-clouts will buy?
O wha will tent me when I cry?
Wha will kiss me where I lie?
The rantin’ dog, the daddie o’t.
O wha will own he did the faut?
O wha will buy the groanin maut?
O wha will tell me how to ca’t?
The rantin’ dog, the daddie o’t.
When I mount the creepie-chair,
Wha will sit beside me there?
Gie me Rob, I’ll seek nae mair,
The rantin’ dog, the daddie o’t.
Wha will crack to me my lane?
Wha will mak me fidgin’ fain?
Wha will kiss me o’er again?
The rantin’ dog, the daddie o’t.
Turn off ads, get more exposure for your poetry, and get more features with a
Premium Membership.
