73. Song—Farewell to Ballochmyle
THE CATRINE woods were yellow seen,
The flowers decay’d on Catrine lee,
Nae lav’rock sang on hillock green,
But nature sicken’d on the e’e.
Thro’ faded groves Maria sang,
Hersel’ in beauty’s bloom the while;
And aye the wild-wood ehoes rang,
Fareweel the braes o’ Ballochmyle!
Low in your wintry beds, ye flowers,
Again ye’ll flourish fresh and fair;
Ye birdies dumb, in with’ring bowers,
Again ye’ll charm the vocal air.
But here, alas! for me nae mair
Shall birdie charm, or floweret smile;
Fareweel the bonie banks of Ayr,
Fareweel, fareweel! sweet Ballochmyle!
| Best Poems | Short Poems
Email Poem |
More Poems by Robert Burns
Comments, Analysis, and Meaning on 73. Song—Farewell to Ballochmyle
Provide your analysis, explanation, meaning, interpretation, and comments on the poem 73. Song—Farewell to Ballochmyle here.
Commenting turned off, sorry.