65. Song—Rantin Rovin Robin

Read '65. Song—Rantin Rovin Robin' by 'Robert Burns' and provide your summary and literary analysis in the comments section below.

65. Song—Rantin Rovin Robin by Robert Burns

 THERE 1 was a lad was born in Kyle,
But whatna day o’ whatna style,
I doubt it’s hardly worth the while
 To be sae nice wi’ Robin.


Chor.—Robin was a rovin’ boy,
 Rantin’, rovin’, rantin’, rovin’,
Robin was a rovin’ boy,
 Rantin’, rovin’, Robin!


Our monarch’s hindmost year but ane
Was five-and-twenty days begun, 2
’Twas then a blast o’ Janwar’ win’
 Blew hansel in on Robin.
 Robin was, &c.


The gossip keekit in his loof,
Quo’ scho, “Wha lives will see the proof,
This waly boy will be nae coof:
 I think we’ll ca’ him Robin.”
 Robin was, &c.


“He’ll hae misfortunes great an’ sma’,
But aye a heart aboon them a’,
He’ll be a credit till us a’—
 We’ll a’ be proud o’ Robin.”
 Robin was, &c.


“But sure as three times three mak nine,
I see by ilka score and line,
This chap will dearly like our kin’,
 So leeze me on thee! Robin.”
 Robin was, &c.


“Guid faith,” quo’, scho, “I doubt you gar
The bonie lasses lie aspar;
But twenty fauts ye may hae waur
 So blessins on thee! Robin.”
 Robin was, &c.


 Note 1. Not published by Burns. [back]
Note 2. January 25, 1759, the date of my bardship’s vital existence.—R. B. [back]

Form: Ballad

♡Like0

Share Comments