58. Epitaph on Holy Willie

Read '58. Epitaph on Holy Willie' by 'Robert Burns' and provide your summary and literary analysis in the comments section below.

58. Epitaph on Holy Willie by Robert Burns

 HERE Holy Willie’s sair worn clay
 Taks up its last abode;
His saul has ta’en some other way,
 I fear, the left-hand road.


Stop! there he is, as sure’s a gun,
 Poor, silly body, see him;
Nae wonder he’s as black’s the grun,
 Observe wha’s standing wi’ him.


Your brunstane devilship, I see,
 Has got him there before ye;
But haud your nine-tail cat a wee,
 Till ance you’ve heard my story.


Your pity I will not implore,
 For pity ye have nane;
Justice, alas! has gi’en him o’er,
 And mercy’s day is gane.


But hear me, Sir, deil as ye are,
 Look something to your credit;
A coof like him wad stain your name,
 If it were kent ye did it.

Form: Epitaph

♡Like0

Share Comments