539. Song—O that's the lassie o' my heart

Read '539. Song—O that's the lassie o' my heart' by 'Robert Burns' and provide your summary and literary analysis in the comments section below.

539. Song—O that's the lassie o' my heart by Robert Burns

 O WAT ye wha that lo’es me
 And has my heart a-keeping?
O sweet is she that lo’es me,
 As dews o’ summer weeping,
 In tears the rosebuds steeping!


Chorus.—O that’s the lassie o’ my heart,
 My lassie ever dearer;
O she’s the queen o’ womankind,
 And ne’er a ane to peer her.


If thou shalt meet a lassie,
 In grace and beauty charming,
That e’en thy chosen lassie,
 Erewhile thy breast sae warming,
 Had ne’er sic powers alarming;
 O that’s the lassie, &c.


If thou hadst heard her talking,
 And thy attention’s plighted,
That ilka body talking,
 But her, by thee is slighted,
 And thou art all delighted;
 O that’s the lassie, &c.


If thou hast met this Fair One,
 When frae her thou hast parted,
If every other Fair One
 But her, thou hast deserted,
 And thou art broken-hearted,
 O that’s the lassie o’ my heart,
 My lassie ever dearer;
 O that’s the queen o’ womankind,
 And ne’er a ane to peer her.

Form: Ballad

♡Like0

Share Comments