513. Song—Steer her up and haud her gaun

Read '513. Song—Steer her up and haud her gaun' by 'Robert Burns' and provide your summary and literary analysis in the comments section below.

513. Song—Steer her up and haud her gaun by Robert Burns

 O STEER her up, an’ haud her gaun,
 Her mither’s at the mill, jo;
An’ gin she winna tak a man,
 E’en let her tak her will, jo.
First shore her wi’ a gentle kiss,
 And ca’ anither gill, jo;
An’ gin she tak the thing amiss,
 E’en let her flyte her fill, jo.


O steer her up, an’ be na blate,
 An’ gin she tak it ill, jo,
Then leave the lassie till her fate,
 And time nae langer spill, jo:
Ne’er break your heart for ae rebute,
 But think upon it still, jo:
That gin the lassie winna do’t,
 Ye’ll find anither will, jo.

Form: Ballad

♡Like0

Share Comments