485. Song—How lang and dreary is the night
Read '485. Song—How lang and dreary is the night' by 'Robert Burns' and provide your summary and literary analysis in the comments section below.
485. Song—How lang and dreary is the night by Robert Burns
HOW lang and dreary is the night
When I am frae my Dearie;
I restless lie frae e’en to morn
Though I were ne’er sae weary.
Chorus.—For oh, her lanely nights are lang!
And oh, her dreams are eerie;
And oh, her window’d heart is sair,
That’s absent frae her Dearie!
When I think on the lightsome days
I spent wi’ thee, my Dearie;
And now what seas between us roar,
How can I be but eerie?
For oh, &c.
How slow ye move, ye heavy hours;
The joyless day how dreary:
It was na sae ye glinted by,
When I was wi’ my Dearie!
For oh, &c.
Turn off ads, get more exposure for your poetry, and get more features with a
Premium Membership.
