465. Song—It was a' for our rightfu' King
IT was a’ for our rightfu’ King
We left fair Scotland’s strand;
It was a’ for our rightfu’ King
We e’er saw Irish land, my dear,
We e’er saw Irish land.
Now a’ is done that men can do,
And a’ is done in vain;
My Love and Native Land fareweel,
For I maun cross the main, my dear,
For I maun cross the main.
He turn’d him right and round about,
Upon the Irish shore;
And gae his bridle reins a shake,
With adieu for evermore, my dear,
And adieu for evermore.
The soger frae the wars returns,
The sailor frae the main;
But I hae parted frae my Love,
Never to meet again, my dear,
Never to meet again.
When day is gane, and night is come,
And a’ folk bound to sleep;
I think on him that’s far awa,
The lee-lang night, and weep, my dear,
The lee-lang night, and weep.
Poem by
Robert Burns
Biography |
Poems
| Best Poems | Short Poems
| Quotes
|
Email Poem |
More Poems by Robert Burns
Comments, Analysis, and Meaning on 465. Song—It was a' for our rightfu' King
Provide your analysis, explanation, meaning, interpretation, and comments on the poem 465. Song—It was a' for our rightfu' King here.
Commenting turned off, sorry.