460. Song—The Lovely Lass o' Inverness
Read '460. Song—The Lovely Lass o' Inverness' by 'Robert Burns' and provide your summary and literary analysis in the comments section below.
460. Song—The Lovely Lass o' Inverness by Robert Burns
THE LOVELY lass o’ Inverness,
Nae joy nor pleasure can she see;
For, e’en to morn she cries, alas!
And aye the saut tear blin’s her e’e.
“Drumossie moor, Drumossie day—
A waefu’ day it was to me!
For there I lost my father dear,
My father dear, and brethren three.
“Their winding-sheet the bluidy clay,
Their graves are growin’ green to see;
And by them lies the dearest lad
That ever blest a woman’s e’e!
“Now wae to thee, thou cruel lord,
A bluidy man I trow thou be;
For mony a heart thou has made sair,
That ne’er did wrang to thine or thee!”
Turn off ads, get more exposure for your poetry, and get more features with a
Premium Membership.
