394. Song—Braw Lads o' Gala Water

Read '394. Song—Braw Lads o' Gala Water' by 'Robert Burns' and provide your summary and literary analysis in the comments section below.

394. Song—Braw Lads o' Gala Water by Robert Burns

 BRAW, braw lads on Yarrow-braes,
 They rove amang the blooming heather;
But Yarrow braes, nor Ettrick shaws
 Can match the lads o’ Galla Water.


But there is ane, a secret ane,
 Aboon them a’ I loe him better;
And I’ll be his, and he’ll be mine,
 The bonie lad o’ Galla Water.


Altho’ his daddie was nae laird,
 And tho’ I hae nae meikle tocher,
Yet rich in kindest, truest love,
 We’ll tent our flocks by Galla Water.


It ne’er was wealth, it ne’er was wealth,
 That coft contentment, peace, or pleasure;
The bands and bliss o’ mutual love,
 O that’s the chiefest warld’s treasure.

Form: Ballad

♡Like0

Share Comments