Get Your Premium Membership

370. Song—Sic a Wife as Willie had

by
 WILLIE WASTLE dwalt on Tweed,
 The spot they ca’d it Linkumdoddie;
Willie was a wabster gude,
 Could stown a clue wi’ ony body:
He had a wife was dour and din,
 O Tinkler Maidgie was her mither;
Sic a wife as Willie had,
 I wad na gie a button for her!


She has an e’e, she has but ane,
 The cat has twa the very colour;
Five rusty teeth, forbye a stump,
 A clapper tongue wad deave a miller:
A whiskin beard about her mou’,
 Her nose and chin they threaten ither;
Sic a wife as Willie had,
 I wadna gie a button for her!


She’s bow-hough’d, she’s hein-shin’d,
 Ae limpin leg a hand-breed shorter;
She’s twisted right, she’s twisted left,
 To balance fair in ilka quarter:
She has a lump upon her breast,
 The twin o’ that upon her shouther;
Sic a wife as Willie had,
 I wadna gie a button for her!


Auld baudrons by the ingle sits,
 An’ wi’ her loof her face a-washin;
But Willie’s wife is nae sae trig,
 She dights her grunzie wi’ a hushion;
Her walie nieves like midden-creels,
 Her face wad fyle the Logan Water;
Sic a wife as Willie had,
 I wadna gie a button for her!

Poem by
Biography | Poems | Best Poems | Short Poems | Quotes | Email Poem - 370. Song—Sic a Wife as Willie hadEmail Poem | Create an image from this poem

Poems are below...



Top Robert Burns Poems

Analysis and Comments on 370. Song—Sic a Wife as Willie had

Provide your analysis, explanation, meaning, interpretation, and comments on the poem 370. Song—Sic a Wife as Willie had here.