366. Song—The weary Pund o' Tow

Read '366. Song—The weary Pund o' Tow' by 'Robert Burns' and provide your summary and literary analysis in the comments section below.

366. Song—The weary Pund o' Tow by Robert Burns

 Chorus.—The weary pund, the weary pund,
 The weary pund o’ tow;
I think my wife will end her life,
 Before she spin her tow.


I BOUGHT my wife a stane o’ lint,
 As gude as e’er did grow,
And a’ that she has made o’ that
 Is ae puir pund o’ tow.
 The weary pund, &c.


There sat a bottle in a bole,
 Beyont the ingle low;
And aye she took the tither souk,
 To drouk the stourie tow.
 The weary pund, &c.


Quoth I, For shame, ye dirty dame,
 Gae spin your tap o’ tow!
She took the rock, and wi’ a knock,
 She brak it o’er my pow.
 The weary pund, &c.


At last her feet—I sang to see’t!
 Gaed foremost o’er the knowe,
And or I wad anither jad,
 I’ll wallop in a tow.
 The weary pund, &c.

Form: Ballad

♡Like0

Share Comments