349. Song—Kenmure's on and awa Willie

Read '349. Song—Kenmure's on and awa Willie' by 'Robert Burns' and provide your summary and literary analysis in the comments section below.

349. Song—Kenmure's on and awa Willie by Robert Burns

 O KENMURE’S on and awa, Willie,
 O Kenmure’s on and awa:
An’ Kenmure’s lord’s the bravest lord
 That ever Galloway saw.


Success to Kenmure’s band, Willie!
 Success to Kenmure’s band!
There’s no a heart that fears a Whig,
 That rides by kenmure’s hand.


Here’s Kenmure’s health in wine, Willie!
 Here’s Kenmure’s health in wine!
There’s ne’er a coward o’ Kenmure’s blude,
 Nor yet o’ Gordon’s line.


O Kenmure’s lads are men, Willie,
 O Kenmure’s lads are men;
Their hearts and swords are metal true,
 And that their foes shall ken.


They’ll live or die wi’ fame, Willie;
 They’ll live or die wi’ fame;
But sune, wi’ sounding victorie,
 May Kenmure’s lord come hame!


Here’s him that’s far awa, Willie!
 Here’s him that’s far awa!
And here’s the flower that I loe best,
 The rose that’s like the snaw.

Form: Ballad

♡Like0

Share Comments