31. Song—My Nanie O!
BEHIND yon hills where Lugar flows,
’Mang moors an’ mosses many, O,
The wintry sun the day has clos’d,
And I’ll awa to Nanie, O.
The westlin wind blaws loud an’ shill;
The night’s baith mirk and rainy, O;
But I’ll get my plaid an’ out I’ll steal,
An’ owre the hill to Nanie, O.
My Nanie’s charming, sweet, an’ young;
Nae artfu’ wiles to win ye, O:
May ill befa’ the flattering tongue
That wad beguile my Nanie, O.
Her face is fair, her heart is true;
As spotless as she’s bonie, O:
The op’ning gowan, wat wi’ dew,
Nae purer is than Nanie, O.
A country lad is my degree,
An’ few there be that ken me, O;
But what care I how few they be,
I’m welcome aye to Nanie, O.
My riches a’s my penny-fee,
An’ I maun guide it cannie, O;
But warl’s gear ne’er troubles me,
My thoughts are a’ my Nanie, O.
Our auld guidman delights to view
His sheep an’ kye thrive bonie, O;
But I’m as blythe that hands his pleugh,
An’ has nae care but Nanie, O.
Come weel, come woe, I care na by;
I’ll tak what Heav’n will sen’ me, O:
Nae ither care in life have I,
But live, an’ love my Nanie, O
| Best Poems | Short Poems
Email Poem |
More Poems by Robert Burns
Comments, Analysis, and Meaning on 31. Song—My Nanie O!
Provide your analysis, explanation, meaning, interpretation, and comments on the poem 31. Song—My Nanie O! here.
Commenting turned off, sorry.