316. Song—The Banks o' Doon (First Version)

Read '316. Song—The Banks o' Doon (First Version)' by 'Robert Burns' and provide your summary and literary analysis in the comments section below.

316. Song—The Banks o' Doon (First Version) by Robert Burns

 SWEET are the banks—the banks o’ Doon,
 The spreading flowers are fair,
And everything is blythe and glad,
 But I am fu’ o’ care.
Thou’ll break my heart, thou bonie bird,
 That sings upon the bough;
Thou minds me o’ the happy days
 When my fause Luve was true:
Thou’ll break my heart, thou bonie bird,
 That sings beside thy mate;
For sae I sat, and sae I sang,
 And wist na o’ my fate.


Aft hae I rov’d by bonie Doon,
 To see the woodbine twine;
And ilka birds sang o’ its Luve,
 And sae did I o’ mine:
Wi’ lightsome heart I pu’d a rose,
 Upon its thorny tree;
But my fause Luver staw my rose
 And left the thorn wi’ me:
Wi’ lightsome heart I pu’d a rose,
 Upon a morn in June;
And sae I flourished on the morn,
 And sae was pu’d or noon!

Form: Ballad

♡Like0

Share Comments