194. Song—Blythe was She

Read '194. Song—Blythe was She' by 'Robert Burns' and provide your summary and literary analysis in the comments section below.

194. Song—Blythe was She by Robert Burns

 Chorus.—Blythe, blythe and merry was she,
 Blythe was she but and ben;
Blythe by the banks of Earn,
 And blythe in Glenturit glen.


BY 1 Oughtertyre grows the aik,
 On Yarrow banks the birken shaw;
But Phemie was a bonier lass
 Than braes o’ Yarrow ever saw.
 Blythe, blythe, &c.


Her looks were like a flow’r in May,
 Her smile was like a simmer morn:
She tripped by the banks o’ Earn,
 As light’s a bird upon a thorn.
 Blythe, blythe, &c.


Her bonie face it was as meek
 As ony lamb upon a lea;
The evening sun was ne’er sae sweet,
 As was the blink o’ Phemie’s e’e.
 Blythe, blythe, &c.


The Highland hills I’ve wander’d wide,
 And o’er the Lawlands I hae been;
But Phemie was the blythest lass
 That ever trod the dewy green.
 Blythe, blythe, &c.


 Note 1. Written at Oughtertyre. Phemie is Miss Euphemia Murray, a cousin of Sir William Murray of Oughtertyre.—Lang. [back

Form: Ballad

♡Like0

Share Comments