Main aaj bhi tumhe yaad kar raha hu
Main aaj bhi tumhe yaad kar raha hu
Tumhara chehra koi sangeet sa hai
Jab tum muskurati ho toh woh koi mukammal dhuun si lagti hai
Aur tumhare honth jaise us dhuun key lafz ki tarah jiska mein gayak ban na chahata hu
Par tumhare baarein mein isse zyada likh nahi paata
Ki sharma jaye asmaan jab tum apni zulfo ko apne haaton sey kaan key peeche karti ho
Tumhari naak ki banawat pey khuda mein aaj bhi ek misaal kayam hai
Behek jaati hai woh hawa jab tumhare kisi bandan ke his se ko chu kar guzarti hai
Thair jaata hai woh sama jab tum apne dupatte ko apne sar par halke sey odr ti ho
Meri mann ki koi awaaz hoti toh bilkul tumhare chudiyo ki khanak ki tarah sunai deti
Aur tumhari aankhen, tumhari aakhen mein jaise ek duniya basi ho, jiska main chota sa hissa ban nah chahata hu
Ek chote sitara hi sahi jiski roshni bhuj bhi jaayein toh tumhare zehen mein toh rahe
Mujhe cheezen yaad nahi reheti par tumhari baatein yaad hai
Jaise jab tum puchti thi mujhse key kaise lag rahi ho main saree mein
Ek tareef ki umeed main
main keheta bohot khoobsurat aur tum keheti bina puche nahi bata sakte they yeh tum?
Kaise batata woh maasomiyat sey puchna aur chidrna har kisi ko naseeb nahi hota
Jab tum gusse sey laal hojaati thi aur baat nahi karti thi toh main jaan puch kar tumhe hasata tha manata tha
Jiski wajah se tumhare hothon par ek aadhe chaand jaise ek muskaan aa jaati thi
Aur meri dilwaalli hojati thi
Tum har cheez sambhal key rakhti thi
Jaise woh khatt joh tum mujhe deyna chahati thi
Woh straw joh maine tumhe peheli mulakat mein diya tha
Par main kuch sambhal nahi pasaka
Nah tumhe aur nah ki us vaade ko
Par main tumhe khud mein poora ka poora sameyt kar rakha hu
Kabhi kabhi apne mann ke sahare jeeley ta hu tumko khud mein
Tumhare aadaton par hans deta hu
Tumhari kahi gayi baatein aaj bhi ek narmi ke saat sun leyta hu
Haan mere kuch faisle jin par aaj bhi naraz hua hu
Par kabhi kabhi tumhari godd me soleta hu
Pyaari neend aajati hai
Kabhi kabhi sochley ta hu key kash bas kash tumhe rokh pata aur us lamhein ko apne dil key taikhane mein band karke tumhare ungliyo key beech key faaslo ko
Mita deyta toh shayad aaj kuch aur hota
Khair choro
Bas itna kehena tha key
Main aaj bhi tumhe yaad kar raha hu
Copyright © Saif Shahed | Year Posted 2020
|