Read Poems by Londeka Mchunu

  

Below are poems written by poet Londeka Mchunu. Click the Next or Previous links below the poem to navigate between poems. Remember, Poetrysoup is an environment of encouragement and growth. Thank you.

List of ALL Londeka Mchunu poems

Best Londeka Mchunu Poems

+ Follow Poet

Form: ABC | + Fav Poem | Comment | Email | Print

Sicimile Isibani Sami

SICIMILE ISIBANI SAMI
Ibhalwe ngu :N.W. Mchunu

Sicimile isibani sami 
Sicimile isibani sempilo yami
Sicimile ngasala ebumyameni 
Sicimile ngasala osizini 

Ubuyisibani sokuphila kwami
Sona ebesikhanyisa kimi
Bengingesabi lutho 
Ngoba wena ubukhona
kufikile isiphepho somoya 
Sacima isibani sempilo yami
Kube sengathi liyaduma izulu 
Kube nomoya onezintuli empilweni yami
Izivunguvungu zivunguzile kimi
Kwaphela konke ngami
Kwashabalala wonke amathemba

Lathi uma lifika igama elithi
Umphefumulo wakhe usuhlukene nenyama 
Ngazizwa ngithuthumela ngashaywa uvalo
Zaphophoza izinyembezi. Kwaxega amadolo 
Umvelinqangi ukuthathile sacima isibani kimi
Sicimile isibani empilweni yami 
Ungishiyile ngincela isithupha
Ngigqemeke engeqiwantwala 
Ungishiyile ngingenamuntu  engizotho mama kuye 
Ungishiye ngezwa kunomzwangedwa empilweni yami 
Ushiye usizi kimi
Ngithi noma ngibuka izwe ngizwe ikhanda lizula
Kube sengathi ngisele ngedwa emhlabeni

Intandane enhle ngumakhothwa unina
Lo mina engingasenaye
Kazi ngizothi mama kubani
Kazi ubani ozongikhombisa indlela
uma sengiya kwa-mama ongemama
Iziyalo zona ngizozithola kubani
Ungishiyile ebumnyameni
Sacimile isibani sempilo yami
Hamba kahle  mama wami
Ngiyohlala ngikukhumbula
Lala ngoxolo

Copyright © Londeka Mchunu | Year Posted 2018