Sa kisame ng bahay, itong si Butiking Pasas
Ay minsang nakipaglaro sa kanyang mga KAIBIGAN
Kanyang inaliw, mga pakpak na kumikinang, pumapagaspas
Binola ang bawat lipad na kay panglaw
Habang sa isip, may nabubuo’t nakaambang kalokohan
Tila naiinggit sa kanilang kakayahan
Nang hindi na sila nakatingin, tumalikod lang saglit
Nagsimula ng ibuka kanyang mapinsalang bunganga’t bibig
Nilantad matatalas na dila, na may malaasidong laway
Na tutunaw unti-unit sa kanilang katauhan
At sa isang kisap mata, dila’y pumulupot, sumalaksak,
Nilunok, nilamon sila ng buong-buo, walang kamalay-malay
Sila’y kinitil, nalinlang ng mga matatalim na SALITA,
Kawawang mga KAIBIGAN…
Kanilang magagandang LAMANG LOOB…
Tuluyan ng nawasak, nalusaw
Looking for the formal definition, structure, and history of this poetry form? Visit the Poetry Dictionary entry below. Then return to explore how PoetrySoup members bring the form to life through their own poems.