339. Song—O for ane an' twenty Tam

Read '339. Song—O for ane an' twenty Tam' by 'Robert Burns' and provide your summary and literary analysis in the comments section below.

339. Song—O for ane an' twenty Tam by Robert Burns

 Chorus.—An’ O for ane an’ twenty, Tam!
 And hey, sweet ane an’ twenty, Tam!
I’ll learn my kin a rattlin’ sang,
 An’ I saw ane an’ twenty, Tam.


THEY snool me sair, and haud me down,
 An’ gar me look like bluntie, Tam;
But three short years will soon wheel roun’,
 An’ then comes ane an’ twenty, Tam.
 An’ O for, &c.


A glieb o’ lan’, a claut o’ gear,
 Was left me by my auntie, Tam;
At kith or kin I need na spier,
 An I saw ane an’ twenty, Tam.
 An’ O for, &c.


They’ll hae me wed a wealthy coof,
 Tho’ I mysel’ hae plenty, Tam;
But, hear’st thou laddie! there’s my loof,
 I’m thine at ane an’ twenty, Tam!
 An’ O for, &c.

Form: Lyric

♡Like0

Share Comments