250. Song—She's Fair and Fause

Read '250. Song—She's Fair and Fause' by 'Robert Burns' and provide your summary and literary analysis in the comments section below.

250. Song—She's Fair and Fause by Robert Burns

 SHE’S fair and fause that causes my smart,
 I lo’ed her meikle and lang;
She’s broken her vow, she’s broken my heart,
 And I may e’en gae hang.
A coof cam in wi’ routh o’ gear,
And I hae tint my dearest dear;
But Woman is but warld’s gear,
 Sae let the bonie lass gang.


Whae’er ye be that woman love,
 To this be never blind;
Nae ferlie ’tis tho’ fickle she prove,
 A woman has’t by kind.
O Woman lovely, Woman fair!
An angel form’s faun to thy share,
’Twad been o’er meikle to gi’en thee mair—
 I mean an angel mind.

Form: Lyric

♡Like0

Share Comments