Shab-e-visal kay lamhoon ki wooh muntashir sochain

Written by: Shabeeb Hashmi

Shab-e-visal kay lamhoon ki wooh muntashir sochain 
Meray naseeb ko dasti raheen wooh baykhabar sochain,

Bahut say khawab suhanay nazar main youn tahray
Meray zehan main bhatakti raheen wooh raat bhar sochain,

main jan paya na teray khayaloon kay samundar ko
Meray kareeb hi tehreen theen wooh hamsafer sochain,

Wooh lamhay jo sari duwaoon kay thay raigan guzray
Meray khayalon main machalti raheen wooh muatbar sochain,

yeh jazba kaisa tha jo tujh ko kareeb la na saka 
Meri tarha bhi  toti theen wooh bay assar sochain.