Gol Gappa In Hindi Version

Written by: Amit Valmiki

khud ko ek gol-gappa samajh raha hoon yaaron,
haha! kya karun aaj insaan banne mein maza nahi hai.
niche maal road par use gol-gappe khate dekha, 
bas tabse gol-gappon ka deewana ho chuka hoon. 
do pal usne taanka bhi, to darr sa laga,
lekin fir uski muskurahat ne, himmat bhi di.
tabhi toh nahi, lekin uske jaane ke baad gol-gappon par toot pada.
usi thele par, pata nahi plate wohi thi ya nahi.
khaate-khaate aankhon se paani aa gaya, 
par uska ehsaas mujhe aur khaane par majbur kar raha tha.
jab aankhon mein itna paani bhaar gaya ki uske saare khwab beh gaye.
tab maine gol-gappon par rok lagayi.
saala baadme pata chala kal college ke liye toh paise bache hi nahi.
koi baat nahi dost kab aayeinge,
saalon ko khilaaya bhi toh hai, 
toh khane ka bhi haq rakhta hoon.
kal unki band bajaoounga.
aansuon ne uske khwaab toh baha diye par iss dil se uski yaadon ko kaise nikaloon.
aaj yaaron lagta hai firse neend nahi aayegi,
mahina bhar tanhai me jeena padega,
koi baat nahi ab toh aadat si ho gayi hai.
waise lagta hai ab mujhe gol-gappon se bhi pyaar ho gaya hai. ha!ha!
bas khuda se yahi ek guzarish hai ke, kal ko woh jalebi khaate huye na mill jaye.
mujhe besh nafrat hai mithi cheezon se.
kaise khaoonga main.........jalebi shayyyyyyyy! hatt yaar!##
agar mithe mein kuch pasand hai toh bas khusboo.
wo bhi jab woh khud mere kareeb aati hai tab.
ek ajeeb si mehek hai yaaron usme.
nahin yaar! har ladki perfume ya deo nahi lagati.
bas wohi uski khusboo aur kuch mitha pasand nahi hai,
chahe wo cheez cadbury dairy milk hi ho.
khair aap log pak gaye hoge, so jaao. subh raatri.
waise mujhe toh neend nahi aanewali hai,
haan yaar! kahaan uske yeh sapne chain se sone denge?
khair aap so lijiye.