Tambag

Ang kahimtang sa pagka-estudyante Dili sama sa pagdula ug online game, Na kung ikaw buot ng mapul-an Sayon ra kaayo nimu ning iundang. Sa gikaingon pa sa usa ka istorya, “Ang kinaadman maoy pundasyon sa atong katilingban.” Busa estudyante isantok kinis alimpatakan Ang pagtuon aduna usab gisapnay na tulubagon. Tuod man ang kapit-os sa kinabuhi imung mabaktas Peru dili kini ang rason ng ikaw muatras; Kay ang pag-atras usa lamang ka timailhan Nga ikaw way pagsalig tuod man talawan. Busa ania ang matahom nga tambag Sa mga kabudlay, hagit sa katilingban ug temtasyon, Ang pagsalig sa kaugalingon ug Labing Halangdon Mao’y labing maayo nga dapat nimung buhaton. Kay ang tanan usa lamang ka pagsulay Ug dili angay ikabudlay bagkos atong ikalipay, Matod man angay igapasalamat sa Labawng Gamhanan Kay kini timailhan, kita iyang gipangga ug gipiyalan.