Nigh Night
Nigh Night
A nigh night t’night,
Come mek wi go dung a Miss Jane.
Mek sure yuh wear something red
Cause wi gwen pass di cemetery before we reach Miss Jane
For duppy get mad when rum and drum a beat.
Cause when rum and drum a beat, duppy come from all bout pon di street.
Yuh never believe di amount a duppy dat meet an’ greet.
Woi! Yuh feel di cool breeze?
Wi deh near di cemit’ry.
Oonu walk fass! Cause dem dupppy yah bare face.
Mi head a raise, di spirit deh near
Kibba yuh mout’! mek wi hurry and pass.
Ah… ah… ah… ah…
A wah dat mi hear?
Dat mus be a man duppy,
Cause a dem have no fear!
Mi frighten suh till mi heart move up and down out a place!
Si di light deh! A one more corner, an wi reach.
Yuh hear di drum beat dancing through the tree leaves.
Di rhymes and riddims creating the melody of the beat
Causing duppy and living to stand to dem feet.
Dem yah duppy nuh need nuh cake soap fi bleach
Nor toothbrush fi brush teeth
Fi dem look’s natral
So be careful who you meet, kiss or greet
Cause duppy no longer walk only a night pan di streets.
Copyright © Mervin Spence | Year Posted 2011
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem.
Please
Login
to post a comment