Hillside Chat Wid Vera Grey

Suh yuh gaan, walk gud ... up the hill again Nuh worry bout wah get leff pon line The likkle bway will bring dem out of de rain An de rest of wi will just be fine, fine Yuh hear. Dat hill slope all de way up to high But it not slippery as before, it easy Now, for dat chariot full of angel from the sky Seh afiyuh time, mi kno yuh ready. ... Hush now chile kibbah yuh yai Day dun, de sun i ready fi guh home Fi yuh wuk it dun, praise God on high Praise fo de likkle time pon de dome Hush chile, nuh egg nuh spoil yah De coal skill till a bun fe dem rude ones And few bad fruits de rats will gnaw But angel still walk whe mortal peeple runs Hush now chile kibbah yuh yai Glory bright yuh si, tek off de bib now Guh sing wid massa Gaad in by-n-bye Him ready fi wipe yuh tears n smood yuh brow Wi parting here, Vera, guh get yuh rest A yuh Sabbath now fi eva ... but I a likkle way Will carry yuh memry inna mi breast How yuh tun han mek fashion all de day Hush now chile, kibbah yuh yai De golden mawning a guh dawn bright and sweet An nutten yuh believe was eber lie Nuh I soon falla whe yu gaan, a deh cross de street Like yuh, singing up to ole Jordan shore Yuh memry will keep mi, an wi weep no more ... De cock de crow, fowl lay agen Anadda blessing from Gaad tiday Anadda morsel for de children Yuh poor, yes, but still hab fi gi weh And dat likkle smile, it say all It spell de courage when back is gainst de wall. Yuh a Gad pickney fe true, enuh Someting in yuh, yuh caan be soso suh