Ang Lunas
Nakalalason ba ang kalungkutang
Dinaramdam ng puso ko at isipan?
Kung tama ang nasa aking gunam-gunam,
Madali ka't yaring kalungkuta'y ibsan!
Lapit! Ilapat ang Iyong mga kamay
Sa dibdib kung ang pintig ay bilang nalang!
Ikaw ang lunas,Pag- ibig Kong nabuwal!
Sa dalita ako'y dalawin mo man lang!
'di ako umaasang ako'y pamuling
halagahan, gawing Diyos at sambahin.
Dalawin mo man lang,kahit di suyuin,
Ang kirot... tingin ko'y malulunas na rin.
Ipagpaumanhin nang buong daigdig
Kung sa Kanyang batas ako ay malihis.
Kasalanan ko bang sa ganitong sakit
Tingin ko, lunas ang nakarang kay tamis.
Copyright © Milbert Salmasan | Year Posted 2017
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem.
Please
Login
to post a comment