Details |
Jose Avila Poem
sumulong sa digmaan
na di ninais kailanman
napilitang lumaban ng husto
sa labanang walang panalo
napuno ng hinagpis
ang digmaang ng hapis
buhay' nabalot ng pait
iginapos ng tanilaka ng pasakit
lakas ay nauubos
di na makahulagpos
sa digmang kinasadlakan
na umagaw sa kapayapaan
pagod ay namamayani
sa katawang nasawi
papalapit na sa pagkawala
ang kapirasong hininga
malapit nang maglaho
ang pintig ng puso
ang konting tirang lakas
papalapit na sa pagwawakas
Copyright © Jose Avila | Year Posted 2017
|
Details |
Jose Avila Poem
MAKULAY NA UMAGA
makulay ang umaga
bagama't nanghihina
nang kagyat na masilayan
ngiti sa mukha ng minamahal
nawala ang lungkot
naparam ang simangot
sa matamis na ngiti
ng gandang bukod-tangi
pag-ibig ang kulay ng buhay
ang lakas ng katawan
ang talas ng isip
ang ligayang walang
kahulilip. . .
Copyright © Jose Avila | Year Posted 2016
|
Details |
Jose Avila Poem
O pag-ibig na makapangyarihan
kapag tinalo ng kamunduhan
masisira ang reputasyon at kinabukasan
ng iniirog at minamahal
O pag-ibig sana'y masilayan
ang pagmamahal na nasa katwiran
pag-ibig na makasarili lamang
nakakasakal mandi'y nakamamatay
O pag-ibig sana'y maunawaan
ang pagmamahal ay di isahan lamang
kailangan itong maramdaman
ng dalawang puso nagniniig sa kaligayahan
O pag-ibig sana'y huwag sumobra
ang pag-alay sa sinisinta
dahil kung ang sarili'y hindi na tinirhan
pag-ibig na kaytamis hantunga'y kamatayan.
Copyright © Jose Avila | Year Posted 2016
|
Details |
Jose Avila Poem
ako ang una mong minahal
di mo nga lang napanindigan
di ako ang iyong pinakasalan
dahil sa iba ka bumigay
minahal kita ng lubusan
pagkababae mo'y iginalang
inunawa ka't pinakaingatan
ngunit sa iyo pala iyo'y kulang
balewala sayo ang aking pagpupursige
na alayan ka ng magandang buhay sa huli
hinanap mo ika mo ang iyong sarili
dahilan mo'y sadyang makasarili
hindi ko alam na nakikipagtipan kana
ginawa mo akong sanggago't sangtanga
ngunit inunawa pa rin kita
masakit man ika'y binigyang-laya
wala kana ngayon
nalimot ko na ang kahapon
maaaring bukas, wala na rin ako
ngunit naging bahagi ka pa rin
ng masalimuot na kasaysayan ko. . .
Copyright © Jose Avila | Year Posted 2016
|
Details |
Jose Avila Poem
naiwanan ng panahon
dahil sa pagsubok ng pagkakataon
kinapos ng lakas
di matanaw ang bukas
di nagtagumpay sa pagsisikap
sa kabiguan nagwakas
tanging pag-ibig ang buhay
sa pusong nanghihina't nalulumbay
naiwanan ngunit lumalaban
bagama't walang katiyakan
kung mananalo o masasawi
at tuluyang maglalaho ang lahi
lumuluhang naiwanan
dahil sa hirap na nakamtan
ngunit di nawawalan ng pag-asa
na maririnig ng diyos ang mga
panalangin sa tuwina. . .
Copyright © Jose Avila | Year Posted 2016
|